Til – tatýlyq tuǵyry

Prezıdent janyndaǵy Ortalyq kommýnıkasııalar qyzmetinde Qazaqstan halqy tilderi festıvali aıasynda ótkizilip jatqan jumystar taqyrybynda baspasóz máslıhaty ótti.  Sharaǵa Mádenıet jáne sport mınıstrligi Tilderdi damytý jáne qoǵamdyq-saıası jumys komıteti tóraǵasynyń oryn­basa­ry Ǵalymjan Meldeshov, Sh.Shaıah­metov atyndaǵy Tilderdi damy­týdyń respýblıkalyq úılestirý-ádistemelik ortalyǵynyń dırektory Erbol Tileshov pen qoǵam qaıratkeri Orazkúl Asanǵazyqyzy qatysty. Ǵ.Meldeshov el Táýelsizdiginiń 25 jyldyǵyna oraı Qazaqstan halqy tilderi festıvali aıasynda ótkizilip jatqan jumystar týraly baıandap, olardyń barlyǵy tilderdi damytý úshin  Qazaqstan Res­pýblıkasynda tilderdi damytý men qoldanýdyń 2011-2020 jyl­darǵa arnalǵan memlekettik baǵ­darlamanyń maqsatyna saı uıym­dastyrylýda, deı kelip: «Bıyl­ǵy festıval memlekettik tildi damytý úderisine jańa aqpa­­rattyq tehnologııalardy engizý maqsatynda «Tilalemi.kz» por­taly jáne «Atau.kz» onomas­tıkalyq, «Emle.kz» orfogra­fııalyq, «Termincom.kz» ter­mınologııalyq elektrondyq baza­lary ashyldy. «Til álemi» portalynyń «Atau.kz» onomas­tı­kalyq, «Emle.kz» orfografııa­lyq, «Termincom.kz» termınolo­gııalyq saıtynyń iske qosylýy ınternet keńistigindegi tildik kon­tenttiń kóbeıýine, ony qolda­ný­shylar sanynyń artýyna,  mem­le­kettik tildi qashyqtan úıre­­ný­shiler qatarynyń ósýine keńi­­nen múmkindik jasap, til sa­la­syndaǵy ózekti de ótkir máse­lelerdi tal­qy­laýǵa múmkindik ber­di», – dedi. Sondaı-aq, ol ústimizdegi jyl­dyń 16 qyrkúıeginde memle­ket­tik qyzmetshi jastar arasynda «Til sheberi» respýblıkalyq baı­qaýy uıymdastyrylǵanyn atap ótti. Baıqaýdyń maqsaty – jahan­dyq órkenıet pen elimizdiń damý baǵy­tyna saı úsh tildi – qazaq, orys jáne aǵylshyn til­derin jetik meń­gergen, jan-jaq­ty bilimdi, óziniń salasynda kási­bı quzyrly memle­kettik qyzmetshi jastardy anyq­tap, qoldaý kórsetý bolyp tabylady. Sońǵy ýaqyttarda Abaı shyǵar­mashylyǵyn nasıhattaý ar­qyly qazaqtyń tili men ádebıe­tine, mádenıetine degen etnos ókil­deriniń yqylasyn arttyrý ári elimizdiń birligin nyǵaıtý maq­satynda memlekettik tildi meńgergen etnos jastary arasynda dástúrli «Abaı oqýlary» respýblıkalyq baıqaýy, qazaq tilinde oqıtyn jastardyń arasyn­da orys tilin oqýǵa degen qulshy­nysyn jandandyrý, rıtorıkalyq daǵdylaryn damytý, sóıleý mádenıetiniń deńgeıin arttyrý, orys tilin erkin meńgergen daryndy jastardy nasıhattaý jáne olarǵa qoldaý kórsetý maqsatynda «Oı sana» orys tili bilgirleriniń baıqaýy, sondaı-aq Kórkemsóz oqý sheberleriniń Oralhan Bókeı atyndaǵy HVIII respýblıkalyq baıqaýy ótkizildi. Memlekettik tildiń qoldanys deńgeıin keńeıtý, ilespe aýdar­mashylardyń biliktiligin arttyrý maqsatynda tamyz aıynda qazaqsha-oryssha, oryssha-qazaqsha ilespe aýdarma júrgizýdi úıretýdiń sheberlik saǵattarynyń birinshi kezeńi ótti, ekinshi kezeńi qarasha aıynda ótkiziletin bolady. Sonymen qatar, Aqtóbe, Batys Qazaqstan oblystarynda «Qa­zaqstannyń bolashaǵy – qa­zaq tilinde» jobasy aıasynda dóńgelek ústel, kezdesý, brıfıngter uıym­dastyryldy. Jo­banyń maqsaty – orystildi azamattar arasynda qazaq tili­niń memlekettik til retindegi márte­besin kóterip, Qazaqstanda tura­tyn ártúrli etnos ókilderiniń bir­ligi men yntymaǵynyń kepi­li retinde qazaqstandyq jas ur­paq­tyń patrıottyq tárbıesi, ǵy­lym-bilim, jańa tehnologııa salasyndaǵy jetistikteri jaıynda sóz qozǵaý, pikir almasý. Berik SADYR, «Egemen Qazaqstan»