Elimizde alǵash ret 3D laparoskopııalyq operasııa jasaldy

Elimizde alǵash ret jasalǵan 3D laparoskopııalyq operasııa sátti ótkenin «Aqtóbe aqparat» ortalyǵy habarlady. Kúrdeli operasııany Aqtóbede ótip jatqan endoskopııa hırýrgteriniń quryltaıyna qatysqan birneshe eldiń mamany birlesip jasaǵan. 45 jastaǵy er adamnyń baýyry jańa laparoskopııalyq ádispen almastyryldy. Syrqatqa óz balasy baýyrynyń jartysyn bólip bergen. Ońtústik Koreıa, Grýzııa, Reseı, Ýkraına men Latvııadan kelgen bilikti hırýrg-mamandar 3 kún boıy sheberlik saǵatyn ótkizedi. Jergilikti dárigerlermen birigip, jańa ádispen kúrdeli operasııalar jasaıdy. Oblystyq balalar klınıkalyq aýrýhanasynda mundaı sharanyń birnesheýi josparda tur. Aqtóbede jyl basynan beri 4 ret baýyr almastyrýdyń ashyq operasııasy sátti jasaldy. «Jalpy, kesheden bastap Aqtóbe qalasyna 100-den astam hırýrg keldi. 8 sheberlik saǵaty ótti, óńir turǵyndaryna 35 asa kúrdeli operasııa jasalady», deıdi oblystyq densaýlyq saqtaý basqarmasynyń basshysy Áset Qalıev. Áıgerim TOQSANBEK