Aqtóbede teris aǵym jetegindegi jastardy áskerge almaı jatyr

Aqtóbede teris aǵymnyń jeteginde ketken on jigit ásker qataryna alynbady. Arnaıy komıssııa olardyń dinı kózqarastarynan qorqyp irikteýden ótkizbegen, dep habarlaıdy KTK telearnasy. Radıkaldardyń qorǵanys salasyna kirip, iritki salýynan qoryqqan quzyrly organdar kúzgi shaqyrylymǵa kelgenderdi jiti súzgileýde. Otan aldyndaǵy boryshyn óteýge mindetti jastardy medısınalyq tekserýge shaqyrmastan buryn jeke isterin tekseredi eken. Eger Ulttyq qaýipsizdik komıteti men Ishki ister departamentiniń tizimine ilikkender bolsa, olardy áskerge jolatpaıdy. Bıyldyqqa ekstremıstik kózqarasy bar on jigit jáne baptısterdiń ýaǵyzshysy bolǵan taǵy bir jas áskerden shettetildi. «Áskerge shaqyrmastan buryn er azamattardy syrttaı zerttep, jeke isterin tekseremiz. Ulttyq qaýpsizdik komıteti men Ishki ister organdarymen tyǵyz baılanystamyz. Arnaıy tekserý kezinde tirkeýde turǵan-turmaǵany anyqtalady», deıdi Aqtóbe oblystyq qorǵanys isteri jónindegi departament basshysynyń orynbasary Ádilbek Qultaev. Egemen-aqparat