Elbasy Reseı Prezıdentimen kezdesti

Nursultan Nazarbaev Qazaqstan men Reseı óńiraralyq yntymaqtastyǵy XIII forýmy aıasynda Reseı Federasııasynyń Prezıdenti Vladımır Pýtınmen kezdesti. Bul týraly Aqordanyń baspasóz qyzmetine silteme jasaǵan Egemen-aqparat habarlady. Kezdesý barysynda memleketter basshylary keń aýqymdy máselelerdi, sonyń ishinde ekijaqty yntymaqtastyqtyń damýynyń basty baǵyttaryn talqylady. Budan bólek, álemdik jáne óńirlik kún tártibindegi ózekti jaıttar qarastyryldy. Qazaqstan Prezıdenti Reseıdegi jýyrdaǵy saılaýdyń tabysty ótýi elde júrgizilip jatqan tıimdi jumystardyń nátıjesi ekenin aıtty. – Sochıde ótken forýmda qol jetkizilgen kelisimderdi oryndaý úshin elderimizdiń úkimetteri jemisti jumys júrgizdi. Búgingi forýmda eki eldiń 900 bıznesmeni kezdesetin bolady. Sondaı-aq, Qazaqstan men Reseıdiń kórshiles óńirleriniń basshylary kelissóz júrgizip, nátıjesinde qazirdiń ózinde naqty ýaǵdalastyqtarǵa qol jetkizildi. Munyń bári ekijaqty qarym-qatynastyń joǵary deńgeıde ekenin dáleldeıdi, – dedi Memleket basshysy. V.Pýtın kórsetilgen qonaqjaılyq úshin rızashylyq bildirip, Qazaqstan men Reseı qarym-qatynasy strategııalyq seriktestik pen odaqtastyqqa negizdelgenin atap ótti. – Biz barlyq baǵyt boıynsha ózara is-qımyl jasaımyz. Sizdiń bastamańyzben ótkizilip otyrǵan óńiraralyq forýmǵa Qazaqstanmen birlesip tyǵyz jumys júrgizetin Reseıdiń 400 bıznesmeni qatysady. Búgingi forýmnyń taqyryby óńirdiń kólik-logıstıka ınfraqurylymyn damytý úshin mańyzdy ári paıdaly bolmaq, – dedi Reseı kóshbasshysy. Egemen-aqparat