«Barys» basym boldy

Burnaǵy kúni Qurlyqtyq hokkeı lıgasynyń turaqty chempıonatynda «Barys» Nıjnekamskiniń «Neftehımıgimen» kezdesip, 5:4 esebimen jeńiske jetti. Bul matchta esepti reseılikter ashty. Oıynshy basymdyǵyn sátti paıdalanǵan nıjnekamskilikter 6-mınýtta Igor Polygalovtyń arqasynda alǵa shyqty. Alaıda, 16-mınýtta aıdyn ıeleri Martın Sen-Perdiń kómegimen tarazy basyn teńestirip ketti. Ekinshi kezeń «Barystyń» sha­býy­lymen bastaldy. Kezdesýdiń 21-mınýtynda Kım Barker mergendigi­men kózge túsip, komandasyn alǵa shyǵardy. Biraq, bul goldan keıin Edýard Zankoves shákirtteriniń qarqyndary báseń­dep qaldy. Esesine, qonaqtar shabýyldaryn údetip, 7 mınýtta  úsh shaı­ba soǵyp ketti. Aldymen, 29-mı­nýtta Aleksandr Kıtarov esepti teńestirse, 31-mınýtta Djef­frı Kınreıd komandasyn alǵa shyǵardy. Al 36-mınýtta Rı­harda Gıýnge esepti 4:2-ge jetkizdi. Osydan keıin ǵana «Barys» hokkeıshileri jınaqylyq tanytyp, júıeli oınaı bastady. Ásirese, Kım Barker, Naıdjel Doýs, Brendon Bochenskı úshtigi qarsylastardyń qaqpasyn ny­sanaǵa alýdy jıiletti. Sondaı urymtal sátterdiń birin utymdy paıdalanǵan Bochenskı 39-mınýtta nátıjeli soqqy jasap, esep aıyrmasyn qysqartty. Kezdesýdiń sońynda alań ıe­leri qarqyndaryn odan ári kúsheıte tústi. Shabýylda da saýatty qımyldaǵan astanalyqtar oıynnyń 48-mınýtynda esepti 4:4-ke jetkizdi. Bul joly tablo­ǵa «Barys» sapyndaǵy jańa oıyn­shylardyń biri Nıkıta Ivanov­tyń esimi jazyldy. Al oıynnyń aıaqtalýyna 4 mınýt qalǵanda, astanalyqtar besinshi shaıbalaryn soǵyp, jeńiske jetti. Goldyń avtory – kanadalyq legıoner Korı Trıvıno. Osy jeńisten keıin «Barys» 7 upaımen Shyǵys konferensııasynda 12-orynǵa jaıǵasty. Asta­nalyqtar kelesi kezdesýlerin de óz aıdyndarynda ótkizedi. Búgin bolatyn oıynda «Barys» Qazan­nyń «Ak Barsymen» synǵa túsedi. Atalǵan matchtan keıin ile-shala «Neftehımıktiń» bas jat­tyqtyrýshysy otstavka­ǵa jiberilgeni de belgili bolyp otyr.