Qazaqstan Respýblıkasy Densaýlyq saqtaý jáne áleýmettik damý mınıstrliginiń buıryǵy  №374 

  2015 jylǵy 22 mamyr, Astana qalasy Donorlyq fýnksııany óteýsiz jáne aqyly negizde júzege asyrǵany úshin donorlarǵa aqy tóleý mólsherin jáne donorlyq fýnksııany aqyly negizde júzege asyratyn donorlarǵa aqy tóleýdi júzege asyrý qaǵıdalaryn bekitý týraly «Halyq densaýlyǵy jáne densaýlyq saqtaý júıesi týraly» 2009 jylǵy 18 qyrkúıektegi Qazaqstan Respýblıkasynyń kodeksiniń 167-babynyń 7 jáne 8-tarmaqtaryna sáıkes buıyramyn: 1. Mynalar: 1) osy buıryqqa 1-qosymshaǵa sáıkes Donorlyq fýnksııany óteýsiz jáne aqyly negizde júzege asyrǵany úshin donorlarǵa aqy tóleý mólsherleri; 2) osy buıryqqa 2-qosymshaǵa sáıkes Donorlyq fýnksııany aqyly negizde júzege asyratyn donorlarǵa aqy tóleýdi júzege asyrý qaǵıdalary bekitilsin. 2. Qazaqstan Respýblıkasy Densaýlyq saqtaý jáne áleýmettik damý mınıstrliginiń Medısınalyq kómekti uıymdastyrý departamenti (G.Ý.Qulqaeva): 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin kúntizbelik on kúnniń ishinde ony merzimdi baspasóz basylymdarynda jáne Qazaqstan Respýblıkasy normatıvtik quqyqtyq aktileriniń «Ádilet» aqparattyq-quqyqtyq júıesine resmı jarııalaýǵa jiberýdi; 3) osy buıryqty Qazaqstan Respýblıkasy Densaýlyq saqtaý jáne áleýmettik damý mınıstrliginiń ınternet-resýrsynda ornalastyrýdy qamtamasyz etsin. 3. Osy buıryqtyń oryndalýyn baqylaý Qazaqstan Respýblıkasynyń Densaýlyq saqtaý jáne áleýmettik damý vıse-mınıstri A.V. Soıǵa júktelsin. 4. Osy buıryq ony alǵashqy resmı jarııalaǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Densaýlyq saqtaý jáne áleýmettik damý mınıstri T.DÚISENOVA «KELISILDI» Qazaqstan Respýblıkasynyń Qarjy mınıstriniń m.a. A.TEŃGEBAEV__________________ 2015 jylǵy «___»__________ Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 22 mamyrdaǵy №374 buıryǵyna 1-qosymsha Donorlyq fýnksııany óteýsiz jáne aqyly negizde júzege asyrǵany úshin donorlarǵa aqy tóleý mólsherleri 1. Donorlyq fýnksııany aqyly negizde júzege asyrǵan donorǵa aqy tóleý mynadaı mólsherde (tıisti qarjy jylyna arnalǵan respýblıkalyq bıýdjet týraly zańmen belgilengen aılyq eseptik kórsetkishter) júrgiziledi: 1) bir rettik qan donasııasy úshin (450 mıllılıtr + 10 %) - 2 aılyq eseptik kórsetkish; 2) eki rettik plazmaferez kezinde bir rettik plazma donasııasy úshin (550 + 50 mıllılıtr plazma) - 4 aılyq eseptik kórsetkish; 3) eki rettik plazmaferez kezinde mıllılıtrde 6 Halyqaralyq Birlikten kem emes antıdene tıtri bar ımmýndyq plazmanyń bir rettik donasııasy úshin (550+ 50 mıllılıtr ımmýndyq plazma) - 7 aılyq eseptik kórsetkish; 4) eki rettik plazmaferez kezinde 1 : 64-ten tómen emes rezýs antıdene tıtrimen ızoımmýndyq plazmanyń bir rettik donasııasy úshin (550 + 50 mıllılıtr ızoımmýndyq plazma) - 8 aılyq eseptik kórsetkish; 5) apparattyq sıtaferez kezinde trombosıtterdiń bir dozasynyń bir rettik (dozadaǵy trombosıtterdiń sany keminde 200 h 109) donasııasy úshin - 1 aılyq eseptik kórsetkish; 6) apparattyq sıtaferez kezinde erıtrosıtterdiń bir dozasynyń bir rettik (dozada keminde 45 gramm gemoglobın) donasııasy úshin - 2 aılyq eseptik kórsetkish. 2. Donor 1-tarmaqtyń 1) tarmaqshasynda belgilengen kólemnen az qanmen onyń komponetteriniń donasııasy kezinde aqy tóleý 1-tarmaqtyń 1) tarmaqshasynda kórsetilgen mólsherine proporsıonaldy júzege asyrylady. 3. Donor bir rettik plazmaferez júrgize otyryp, qan komponentteriniń (plazma, ımmýndyq plazma, ızommýndyq plazma) donasııasy kezinde aqy tóleý 1-tarmaqtyń 2), 3), 4) tarmaqshalarynda kórsetilgen mólsherge proporsıonaldy júzege asyrylady. 4. Donorlyq fýnksııany óteýsiz negizde júzege asyrǵan donor óz qanynyń kólemin jáne organızmniń energetıkalyq shyǵyndaryn toltyrý úshin donasııa kúni tańdaýy boıynsha tegin tamaq ne tıisti qarjy jylyna arnalǵan respýblıkalyq bıýdjet týraly zańmen belgilengen aılyq eseptik kórsetkishtiń 0,25 mólsherindegi onyń aqshalaı balamasyn alady. Bul rette donorǵa tegin tamaq berý zańnamaǵa sáıkes júrgiziledi. Qazaqstan Respýblıkasy Densaýlyq saqtaý jáne áleýmettik damý mınıstriniń 2015 jylǵy 22 mamyrdaǵy №374 buıryǵyna 2-qosymsha Donorlyq fýnksııany aqyly negizde júzege asyratyn donorlarǵa aqy tóleýdi júzege asyrý qaǵıdalary 1. Osy Donorlyq fýnksııany aqyly negizde donasııalaǵany úshin donorlarǵa aqy tóleýdi júzege asyrý qaǵıdalary (budan ári - Qaǵıdalar) «Halyq densaýlyǵy jáne densaýlyq saqtaý júıesi týraly» Qazaqstan Respýblıkasynyń 2009 jylǵy 18 qyrkúıektegi kodeksiniń 167-babynyń 8-tarmaǵyna sáıkes ázirlendi jáne donorlyq fýnksııany aqyly negizde júrgizetin donorlarǵa qan men onyń komponentteriniń donasııasy úshin aqy tóleýdi júzege asyrý tártibin aıqyndaıdy. 2. Donor, donorlyq fýnksııany aqyly negizde júrgizetin densaýlyq saqtaý uıymdarynyń tirkeý bólimine qan qyzmeti salasynda júzege asatyn donorlardyń elektrondy bazasyna tól qujat derekterin sáıkestendirýdi engizý úshin jeke kýáligin usynady. 3. Donorlyq fýnksııany aqyly negizde júrgizetin donorlarǵa qan men onyń komponentteriniń donasııasy úshin aqy tóleýdi qan qyzmeti salasyndaǵy qyzmetti júzege asyratyn densaýlyq saqtaý uıymdary júrgizedi. 4. Qan qyzmeti salasyndaǵy qyzmetti júzege asyratyn densaýlyq saqtaý uıymynda qan men onyń komponentterin donasııalaýdan keıin normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen «Densaýlyq saqtaý uıymdarynyń bastapqy medısınalyq qujattama nysandaryn bekitý týraly» Qazaqstan Respýblıkasy Densaýlyq saqtaý Mınıstriniń mindetin atqarýshynyń 2010 jylǵy 23 qarashadaǵy № 907 buıryǵymen bekitilgen № 404/e nysany boıynsha donorǵa qan men onyń komponentteriniń donasııasyn rastaıtyn qujat beriledi. 5. Osy Qaǵıdalardyń 3-tarmaǵynda kózdelgen qujattyń negizinde aqy tóleý qan men onyń komponentterin donasııalaý kúni júzege asyrylady. 6. Donordyń plazmasynda plazmany donasııalaý kezinde ony sentrıfýgalaý ádisimen qannyń nysandy elementterinen bólgennen keıin onda hılez (buldyr, aq tústen aqshyl túske deıin maılaný) baıqalǵan kezde aqy tóleý júzege asyrylmaıdy. Buıryq Qazaqstan Respýblıkasynyń Ádilet mınıstrliginde 2015 jylǵy 24 maýsymdaǵy Normatıvtik quqyqtyq kesimderdi memlekettik tirkeýdiń tizilimine №11424 bolyp engizildi.