Endoskopııalyq hırýrgııanyń bolashaǵy zor

Aqtóbede ótken Qazaqstan endoskopııalyq hırýrgteri assosıasııasynyń VI halyq­aralyq sezine elimizdegi bilikti dáriger­lermen birge, Ońtústik Koreıa, Reseı, Ýkraına, Lıtva, Grýzııadan júzden astam mamandar, barlyǵy 500-ge jýyq adam qatysty. «Qazaqstan endohırýrgııasynyń jetistikteri men bolashaǵy» degen taqyrypta uıymdastyrylǵan sezd aıasynda eki kún boıy oblystyq aýrýhana, oblystyq balalar aýrýhanasy, oblystyq jedel medısınalyq kómek aýrýhanasy jáne M.Ospanov atyndaǵy Batys Qazaqstan memlekettik medısına ýnıversıtetiniń bazalarynda 8 sheberlik-sabaǵy ótkizilip, 35 kúrdeli ota jasaldy. Ǵylymı sessııalarda endoskopııalyq hırýrgııanyń kóptegen salalary boıynsha baıandamalar oqylyp, ozyq ádister ortaǵa salyndy, dárigerler ózara oı bólisip, tájirıbe almasty. Elimizdiń endoskopııalyq hırýrgteri asso­sıa­sııasynyń VI halyqaralyq seziniń jabylý saltanatynda sóz alǵan oblys ákiminiń oryn­basary Asqar Sherııazdanov dárigerlerdiń, sonyń ishinde hırýrgterdiń júrek jylýy mol, qol­­dary altyn adamdar ekenin atap ótti. Osy kún­­deri olardyń óz kásibiniń bilgirleri retinde ja­sa­ǵan otalary, ótkizgen sheberlik klastary óte paı­daly ekenine aıryqsha toqtaldy. Bar­­lyq sa­lanyń, ásirese, densaýlyq saqtaý sala­­sy­­­nyń ózara yntymaqtastyq arqyly da­mı­­ty­ny­na toqtala kelip, mundaı tájirıbe al­ma­sý­­­lar­­dyń ilgerileýge jol ashatynyn jetkizdi. Medısına ǵylymdarynyń doktory, aka­demık Namaz Izimbergenov endoskopııalyq hı­rýrg­­terdiń kezekti seziniń Aqtóbede ótýi­niń reti bar ekenin tilge tıek ete kelip, bul ádisti ıgerý­de pro­fessor, bilikti hırýrg Vladı­mır Kot­lo­bov­skııdiń úlesi zor ekenin aıtty. Onyń aıtýynsha, munaıshylardyń qar­jy­laı qol­daýymen 1991 jyly oblystyq bala­lar aýrý­ha­nasyna bir endoskopııalyq qon­dyr­ǵy alyp berilgen. V.Kotlobovskıı osy qon­dyrǵy­ny jetik paıdalana otyryp, oblys­tyq balalar aýrýhanasynda alǵashqy otany jasaıdy. – Bul elimizde birinshi jasalǵan ota bolatyn. Qazir bizdiń hırýrg-dárigerlerimizdiń bul saladaǵy sheberligi TMD elderindegi áriptesteriniń kóbinen artyq bolmasa, esh kem emes. Bul ádistiń tıimdiligi sol adam denesi tilinbeıdi, adam qoly aralaspaıdy, ota pyshaqsyz jasalady. Munda ózi naýqasqa ota jasalǵannan keıingi kezeń de jaqsy ótedi, syrqattyń tez saýyǵyp ketýine alǵyshart jasaıdy, – deıdi akademık Namaz Izimbergenov. Oblystyq densaýlyq saqtaý basqarma­synyń basshysy Áset Qalıev sezde endosko­pııanyń onkologııalyq, ýrologııalyq, hırýr­gııalyq, barıatrıkalyq jáne basqa máseleleri boıynsha talqylanǵanyn jetkizdi. – Oblys ákiminiń qoldaýymen elimizdiń batys óńirine qyzmet kórsetetin medısınalyq klaster qurý baǵytynda jumys isteýdemiz. Búgingi sezd sol baǵyttaǵy jumystardyń jal­ǵasy. Qazir bizdiń dárigerler búırek aýys­tyrýdy ıgerip aldy. Baýyr aýystyrý orta­lyqtan keletin bilikti dárigerlermen birge júzege asyrylýda. Buryn zaqymdanǵan búı­rekti alyp tastaıtyn edik, qazir endos­ko­pııa­l­yq qondyrǵynyń arqasynda organdy qut­qarý baǵytynda ota jasaýǵa qol jetkizildi. Semiz­dikten aryltýǵa ota jasaýdy bastadyq. Byl­tyr 160 keli bolatyn adamǵa ota jasalyp, ol 40 keli salmaq tastady, – deıdi basqarma basshysy. Sezdiń jabylý saltanaty barysyn­da endohırýgııanyń damýyna eleýli úles qosyp júrgen dárigerlerdi marapattaý rásimi boldy. Prezıdenttik is basqarmasy medısınalyq ortalyǵynyń bas hırýrgi, professor Serik Toqpanov Qazaqstan endoskopııalyq hırýrgteri assosıasııasynyń «Endohırýrgııanyń damýyna eleýli úles qosqany úshin» medalimen marapattaldy. Bir top dárigerlerge oblys ákimi bekitken «Aqtóbe oblysynyń endobeınehırýgııalyq qyzmetin damytýǵa qosqan úlesi úshin» medali tapsyryldy. Olardyń qatarynda oblystyq balalar aýrýhanasynyń bólimshe meńgerýshisi, medısına ǵylymdarynyń doktory Vladımır Kotlobovskıı, UǴA-nyń akademıgi, professor Namaz Izimbergenov, reseılik ǵalym Alekseı Trýnov, Qarǵaly aýdandyq aýrýhanasynyń hırýrgi Qaırat Bóketov jáne basqalary bar. Oblystyq densaýlyq saqtaý basqarama­synyń basshysy Áset Qalıev óńirde endohırýr­gııany damytýǵa qosqan úlesi úshin «KarlStorz» kompanııasynyń «Altyn endoskop» syılyǵyna ıe boldy. Oblys ákiminiń orynbasary Asqar Sherııazdanov oblystyq balalar aýrýhanasynyń bas dárigeri Nurlan Qojınge oblys ákiminiń 40 mıllıon teńge grantyn tapsyrdy.  Satybaldy SÁÝIRBAI, «Egemen Qazaqstan» Aqtóbe oblysy Sýretti túsirgen Haıreden RAÝShANOV