Qytaı bortynda eki ekıpaj múshesi bar «Shenchjoý-11» («Qasıetti keme-11») ǵarysh kemesin ushyrdy, dep habarlady BBC.
Apparat «Chanchjen-2F» («Uly sapar-2F») zymyran-tasyǵyshynyń kómegimen Gansý provınsııasyndaǵy «Szıýsıýan» ǵarysh aılaǵynan jergilikti saǵat 7.30-da ushyryldy.
«Shenchjoý-11» bortynda komandır Szın Haıpen men onyń seriktesi Chen Dýn bar. Szın Haıpen osymen úshinshi márte, al Chen Dýn alǵash ret ǵaryshqa ushyp otyr.
Ǵaryshkerler orbıtaldy zerthanada bir aı bolady. Bul Qytaı tarıhyndaǵy rekordtyq mıssııa.
KHR tóraǵasy Sı Szınpın «Bul mıssııaǵa qatysýshylardyń bárin jáne ǵaryshkerlerdi quttyqtaımyn. Jumystar ári qaraı sátti jalǵasady, alǵa qoıylǵan mindetterdiń barlyǵy oryndalady, osylaısha Qytaıdyń ǵaryshty ıgerý prosesi tezdep, biz asa kúshti ǵarysh derjavasyna aınalamyz dep senem» dedi.
«Shenchjoý-11» eki kún ishinde 393 km bıiktikte «Tıangýn-2» («Aspan saraıy») orbıtaldy zerthanasymen túıisýi tıis. Ekıpaj orbıtada medısınalyq, ǵylymı synaqtar jasaıdy.
Qytaıdyń josparynda Aıǵa adam qondyrý jáne Marsqa pılotsyz keme ushyrý bar.
Qytaıdyń ǵarysh baǵdarlamasy 50 jyldan beri damyp keledi. 1970 KHR alǵash ret jasandy Jer serigin ushyraǵan bolatyn.
