Teatrdyń aqshasyna toı jasaǵan dırektordyń isinde jańa derekter paıda boldy

Qostanaı oblystyq qazaq drama teatrynyń burynǵy dırektory Nurlan Erekeshevke, bas býhgalteri  Gúlzada Bektursynovaǵa jáne kassır-býhgalteri  Meńsulý Kúltaevaǵa qatysty sot barysynda jańa derekter ashyla tústi. Qylmysty jabý úshin úsheýi aqyldasyp, kómekke memlekettik aýdıttiń  bas mamany Dosjan Tólebaevty shaqyrady. Ol kómek beretin bolyp aqysyna úsheýinen 4 mıllıon 400 myń teńge alady. Artynan qolynan kelmegenin aıtyp, aqshany qaıta ákep beredi. Ol bas býhgalter men kassırge qujattardy qurtý úshin teatrda órt uıymdastyrýǵa keńes beredi. Biraq áıelder oǵan barmaıdy. Teatr esebinen aqsha alý úshin dırektor men bas býhgalter bas rejısser Ersaıyn Tóleýbaıdan 5 pesa «satyp alǵan» bolyp, onymen 5 mıllıon teńgege kelisim-shartqa  otyrady. Osy aqshany Kúltaevanyń  «isti bitirip beremin» degen tanysy Vıktor Bols degen kásipker tanysyna beredi. Bols óziniń Astanadaǵy Ulttyq Gvardııada qyzmet isteıtin Asqar Aqdaýletov degen tanysy bar ekenin aıtyp,  onyń isti sheship beretinine sendiredi.  Aqdaýletov isti tyndyrý úshin taǵy da 16 mıllıon teńge suratqanyn aıtady. Kúltaeva 16 mıllıon teńgeni tabý úshin páterin, mashınasyn satady, 4 mıllıon teńgeni teatrdyń esebinen alady. Aqshany Aqdáýletov kelip, Kúltaevadan alyp ketedi. Ol aqshanyń bir bóligi óńirdegi bir iri sheneýnikke beriletinin aıtqan. Biraq Aqdáýletov te, 21 mıllıon teńge de  sol kúıi joq bolady.  Ol sotqa birneshe ret shaqyrylsa da kelgen joq. Názıra Járimbetova, Qostanaı