Jańa transformatordyń qýaty on qalaǵa jetedi

Kentaý transformator zaýyty óziniń bastaýyn 1959 jyldan alady. Zaýyt tarıhynda eń alǵashqy TM-180/10 transformatory konveıerden 1960 jyldyń 10 maýsymynda shyǵarylǵan eken. 2005 jyldan bastap «Halyq tutynatyn taýarlar» atalymy boıynsha «Ońtústik Qazaqstan oblysynyń úzdik taýary» marapatyna ıe bolǵan KTZ sodan beri bıiginen alasarǵan joq. 2012 jyly «Altyn sapa» respýblıkalyq baıqaýynda bas júldeni jeńip aldy. Álemniń birqatar memleketterimen is­ker­lik qarym-qatynastaǵy KTZ jaqynda tuńǵysh ret 80 me­ga­vattyq transformatordy qu­rastyryp shyǵardy. – Bul tarıhı jańalyq, – deıdi Kentaý qalasynyń ákimi Ábdibaqyt Maqulbaev. – О́ıtkeni, buǵan deıin zaýyt eń myqty degende 63 megavatt bolatyn transformatorlar daıyndap kelgen. Eger jańa transformatordyń qýatyn baıqaǵyńyz kelse, ol Kentaý sııaqty onshaqty qalany jaryqpen tolyq qamtamasyz ete alady. Zaýyt basshylyǵy jańa transformatorǵa qazirdiń ózin­de tapsyrystar túsip jat­qan­dyǵyn aıtady. Qazir KTZ to­lyq­taı jańǵyrtýdan ótip, avtomattandyrylǵan. О́ndiris kólemi jıyrma jylda jıyrma esege ósse, ónim kólemi mejelegen jospardan asyp, 11 mlrd teńgege jetken. Byltyr eksport kólemi 33 paıyz bolsa, bıyl 40 paıyz boldy. Tapsyrys berýshilerdiń qatarynda burynnan áriptes bolǵan Reseı, Qyrǵyzstan, О́z­bekstan memleketterinen bólek, bıyl Belorýssııa memleketi qo­syldy. Álemdik daǵdarys jumysy jolǵa durys qoıylǵan, búgingi kún talabymen úndesetin ká­sip­oryn úshin qorqynyshty emes. Kentaý transformator zaýytynyń basshylyǵy 2017 jyl­dyń al­ǵashqy aılaryna deıin tapsyrys alyp qoıǵandaryn aıtady. Baqtııar TAIJAN, «Egemen Qazaqstan» Ońtústik Qazaqstan oblysy