Ǵarysh pen ǵylym ushtasty

Elordada tuńǵysh qazaq ǵarysh­keri Toqtar Áýbákirovtiń ǵaryshqa ushýy­nyń 25 jyldyǵyna arnalǵan «Ǵaryshqa ǵylym arqyly» taqyry­bymen halyqaralyq ǵylymı-tájirı­belik konferensııa ótti. Sharaǵa alys-jaqyn shet memleketterdiń ǵalym­dary men otandyq ǵarysh sala­­synyń úzdik mamandary jáne ýnıversıtet stý­dentteri qatysyp, adamzattyń aspan álemin tanyp-bilý men ǵaryshty ıgerýge qatysty sony jańalyqtardy sóz etti. Halyq qaharmany, KSRO-nyń ushqysh-synaqshysy, tehnıka ǵyly­m­dary­nyń doktory, «Turan-Astana» ýnı­­ver­sıtetiniń professory Toqtar Ońǵarbaıulynyń ǵaryshqa alǵash ushýy men Táýelsizdigimizdiń 25 jyldyq mereı­toıynyń tuspa-tus kelýi aıryqsha atap óterlik jaıt. Soǵan sáıkes, jas­tar­­dyń ǵylymǵa bet burýynda baspa­l­daq sana­latyn ýnıversıtet shańyra­ǵynda ult batyrymen arnaıy kezdesý ótkizýdiń astarynda tereń mán jatyr. «Bul jerde bizdiń kózdegenimiz, búgingi jastarymyzǵa óz ǵaryshker­leri­mizdi úlgi, ónege ete otyryp, ǵylym­dy nasıhattaý. Osylaısha, olar­dyń zertteýleri men ınte­llek­týaldyq áleýet­terin keıingi tolqyn ini-qaryn­das­tary­myzǵa oqytyp, úıretsek degen nıetpen júzege asyrylyp jatqan shara», – deıdi atalmysh oqý ornynyń ǵyly­mı jumystar jónindegi prorektory Temirhan Tolqynbaev. Halyqaralyq deńgeıde uıym­das­­tyrylyp otyrǵan konferensııa bol­ǵandyqtan, munda bas-aıaǵy 122 baıandama taqyryptyq sessııalarǵa bólinip, tyńdaldy. Otyrysqa jetek­shilik etken «Turan-Astana» ýnıver­sıteti­niń rektory, professor Gúljamal Japarova: «Qos merekeniń qatar kelýine oraı, jastarymyz úshin biz osyndaı tanymdyq turǵyda bereri mol kezdesý uıymdastyrýdy jón kórdik. Búgingi jıynǵa ultymyzdyń qos maqtanyshy – Toqtar Ońǵarbaıuly men úshinshi ǵaryshkerimiz Aıdyn Aıymbetov ǵana kelgen joq, Reseıdi aıtpaǵannyń ózinde, Ulybrıtanııa men Túrkııa, Bolgarııa, Qytaı, Ýkraına syndy memleketterdiń de ǵarysh salasyna eńbegi sińgen úzdik ǵalym, mamandary shaqyrylyp, arnaıy dáris oqýda. Biz úshin bul – zor jetistik. Jastarymyzdyń ǵylymǵa bet buryp, otandyq ǵarysh salasynyń, jalpy ǵylymnyń damýyna úles qosýy osyndaı konferensııalardan bastaý alsa kerek», – dedi. «Qazaqstan ǵarysh sapary» QK» AQ pen elimizdegi birqatar joǵary oqý oryndarynyń jáne Reseı, Ýkraına, Bolgarııa, Túrkııa, Qytaı ýnı­ver­sıtet­teriniń atsalysýymen ótken jıyn­ǵa ǵarysh salasy boıynsha  tany­mal otandyq jáne sheteldik ǵalymdar, Qazaq­stan men Reseı JOO rektorlary da qatys­ty. Sondaı-aq, azamattyq avıasııa ókilderi men Májilis depýtattary jáne qoǵam qaıratkerleri ún qosyp, pikir al­masqan alqaly jıynda Toqtar Ońǵar­baıulynyń qurmetine merekelik konsert uıymdastyrylyp, arnaıy syı-sııapat jasaldy. Nurlybek DOSYBAI, «Egemen Qazaqstan»