Qıyndyqtan qutqaratyn qyzmet

Tirshilik bolǵan soń ár túrli jaǵdaı bolady. Aıaq astynan aýyrtpalyq túsip, abdyrap qalatyn kezder de kezdesedi. Sondaıda qol ushyn bere qoıatyn qyzmetterdiń biri – qutqarý­shylar desek qatelespespiz. Biz IIM Aqtóbe oblysy TJD  jedel qutqarý jasaǵy memlekettik mekemesiniń basshysy Qasymjan Baısadaqovqa jolyǵyp, áńgimelesken edik. – Sizdiń jaqynda ǵana memlekettik nagrada – «Eren eńbegi úshin» medalimen marapat­­tal­ǵanyńyzdan qulaǵ­dar­­myz, qutty bolsyn! О́zińiz bas­­qa­ratyn mekeme bir qara­ǵan­da qar­balasy kóp, abyroı áper­meı­tindeı bolyp kórinedi. Ujym­daǵy tabystyń syry nede? – Jyly lebizińizge rahmet, árıne. Men bul salaǵa 2005 jyly keldim. Ol kezdegi ataýy bas­qasha, ob­lystyq sýda qutqarý qyz­meti dep ataldy, azamattyq qor­ǵanys júıe­sine qaraıtyn-dy. Maqtanyp otyr demeńiz, qyz­mettiń sol kezdegi jaǵ­daıy adam aıarlyq edi. Mekeme par­kin­de qaýsaǵan jalǵyz «ÝAZ» m­a­shı­nasy, jamap-jasqaýly eki qaıyq boldy. Eki qutqarý qyz­meti stansasy boldy, onyń ózi pesh­­pen jylytylatyn vagon­dar­da or­­­na­lasty. Al sýǵa súńgýir­le­r­­diń bar­­lyǵyna ortaq bir ar­naý­ly  kıim boldy desek, bireýler se­ner, bireýler senbes. Barlyq qut­­­qarý­­shylarǵa bir ǵana rasııa tı­di. Kadrlar turaqtamady, jaq­sy ma­man­­dar jarytymsyz aılyqqa  jumys is­te­gisi kelmedi. Árıne, olardy da túsi­­ný­ge bolady, ot­basyn asyraý kerek. – Búgingi jaǵdaılaryńyz qalaı? – Keteýi ketken sharýany jú­ıege túsirý ońaıǵa túsken joq. Degenmen, ujymnyń kúsh-jigerin bir arnaǵa baǵyttaý arqyly kóp isterdiń basy qaıyryldy. Usaq-túıek sharýa­lardy by­laı qoıǵanda, 2009 jyly Aqtóbe sý qoımasyndaǵy №2 qut­qarý stan­­sasy tıptik joba­da­ǵy ǵı­ma­rat­qa kóshirildi. 2014 jy­ly or­­­ta­­lyq qutqarý stansa­sy­­­nyń tıp­­tik jobadaǵy osy za­­man­­­ǵy kesheni paıdalanýǵa be­ril­­di. Qazir meke­me­de 28 avto­­­­­kólik, onyń ishinde, boran­da da, laısań batpaq­ta da toq­ta­maı­­­tyn «Trekol» mashı­na­l­ary bar. Súńgýirlerge qa­jet­­ti qu­ral-jabdyqtarmen jaraq­­tan­­dyrylǵan shaǵyn avto­býs ta óz ıeligimizde. Ár súń­gýir ózi­niń jeke  jazǵy jáne qysqy ar­naýly kıim­men qam­tamasyz etil­gen. 32 sýda júzý quraldary, ár túrli kólemdegi qaıyqtar bar. Jalpy, qutqarý otrıadynda 70 adam bolsa, onyń 40-y taza súń­gýirler bolyp tabylady. Ola­r­dyń barlyǵy Almaty men Mınsk qalalaryndaǵy  kýrstarda ar­naıy daıarlyqtan ótke­n maman­dar. Sondaı-aq, kezekshi dıspet­cher­lik qyzmet bólmesinde shaǵyn baspahana, kompıýterler, jeke jeńil radıostansa jumys isteıdi. Bul bólimdi tájirıbeli maman Oksana Kıchıgına basqarady. Biz sýǵa ketýdiń, tótenshe jaǵdaıǵa tap bolýdyń aldyn alý sharalary­na kóp kóńil bólemiz. Sondyq­tan, aqparattyq, úgit-nasıhattyq materıaldaryn osynda daıyn­daýǵa múmkindik mol. – Qutqarý jumystarynyń naq­ty ná­tı­jesine toqtala ketseńiz. – Mekemeniń jaqsy materıal­dyq-tehnıkalyq bazasy, qyz­metke daıyndyǵy joǵary maman­dardy iriktep alýy óz nátı­jesin berýde. Alysqa bar­maı-aq, ótken jyly  otrıad qutqarý­shylarynyń 519 jedel shaqyrýlarǵa barǵanyn, 332 adamdy qutqarǵanyn, olarǵa me­dı­sınalyq jáne psıho­lo­gııa­lyq kómek kórsetilgenin aıtsaq ta jetkilikti bolar. Jol-kólik oqıǵalaryna jáne tur­mystyq sıpattaǵy tótenshe jaǵdaılarǵa shaqyrýlar kezinde 226 adam qutqaryldy, olardyń 102-si balalar. Budan basqa 5 adamnyń ózine ózi qol salýynyń aldyn alýǵa, 62 adamdy qaýipsiz jerge shyǵarýǵa kómektestik. О́tken qys óte aýyr boldy. Jolda turyp qalǵan 300 «Fýra» avtokóliginiń júrgizýshilerin qar tutqynynan alyp shyqtyq. Aq­pan aıynda Qarǵaly aýda­nynda boranda adasqan shopandy ajal aýzynan alyp qalsaq, Hromtaý aýdany, Kóktaý aýylyndaǵy 7 jasar aýrý balany emhanaǵa jetkizdik. Munyń ózi de bul baǵyttaǵy atqarylǵan sharýalardyń bir parasy ǵana. Áńgimelesken Satybaldy SÁÝIRBAI, «Egemen Qazaqstan»  Aqtóbe oblysy