1998
*6 shildede Prezıdent N.Á.Nazarbaev Reseıge jumys saparymen bardy. Sapar aıasynda Elbasy Reseı Prezıdenti B.Elsınmen jáne Premer-mınıstr S.Kırıenkomen kezdesti. Basqosýda Qazaqstan Respýblıkasy men Reseı Federasııasy arasyndaǵy XXI ǵasyrǵa baǵdarlanǵan «Máńgilik dostyq pen odaqtastyq týraly» Deklarasııaǵa qol qoıyldy. Onda Qazaqstan men Reseı Federasııasynyń prezıdentteri berik beıbitshilik, turaqtylyq jáne kepildendirilgen qaýipsizdik jaǵdaıynda XXI ǵasyr eki memleket úshin de jan-jaqty damýǵa, ekonomıka men mádenıetti kóterýge keń aýqymdy perspektıvalar ashatynyna senim bildirgen. Bul týraly «Egemen Qazaqstan» gazetiniń 7 shilde kúngi nómirinde «Qazaqstan-Reseı: HHI ǵasyrǵa baǵyttalǵan sara jol» taqyrybymen maqala jarııalandy.
*17 shildede Sholpan-Atada Qazaqstan men Qyrǵyzstan basshylary Qazaqstan Respýblıkasy men Qyrǵyz Respýblıkasy arasyndaǵy memlekettik shekarany delımıtasııalaý týraly memorandýmǵa qol qoıdy.
* 24 tamyzda Qazaq ulttyq mýzyka ónerin damytýǵa sińirgen asa úzdik eńbegi men joǵary kásibı sheberligi úshin kompozıtor Nurǵısa Tilendıevke «Halyq Qaharmany» ataǵy berilip, aıryqsha erekshelik belgisi – Altyn Juldyz tapsyrý jónindegi Prezıdent Jarlyǵy shyqty.
*25 tamyzda ǵaryshker Talǵat Musabaev ǵaryshtan oraldy. Bul joly ol «Mır» ǵarysh stansasy ekıpajynyń komandıri bolyp oraldy. Ǵaryshkerdi Jezqazǵan jerinde Elbasy Nursultan Nazarbaev qarsy aldy.
*3 qyrkúıekte Prezıdent Jarlyǵymen Almaty oblysyndaǵy Qaskeleń aýdanynyń ataýy Qarasaı aýdany bolyp ózgertildi.
*11 qyrkúıekte Almaty oblysynyń Jambyl aýdanynda qazaqtyń Qarasaı batyrynyń týǵanyna 400 jyl tolýyna arnalǵan saltanat bolyp ótti. Saltanatqa Qazaqstan men Qyrǵyzstannyń basshylary – Nursultan Nazarbaev pen Asqar Aqaev qatysty.
* 18 qyrkúıekte «Memlekettik organdar júıesin odan ári ońtaılandyrý jónindegi sharalar týraly» Prezıdent Jarlyǵyna qol qoıyldy. Qazaqstan Respýblıkasynyń Ulttyq qaýipsizdik komıtetiniń áskerı quramy 1000 áskerı qyzmetshige, Bas prokýratýra 500 qyzmetkerge qysqartyldy. Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organ retinde Qazaqstan Respýblıkasynyń Memlekettik qyzmet isteri jónindegi agenttigi quryldy.
*6 shildede Prezıdent N.Á.Nazarbaev Reseıge jumys saparymen bardy. Sapar aıasynda Elbasy Reseı Prezıdenti B.Elsınmen jáne Premer-mınıstr S.Kırıenkomen kezdesti. Basqosýda Qazaqstan Respýblıkasy men Reseı Federasııasy arasyndaǵy XXI ǵasyrǵa baǵdarlanǵan «Máńgilik dostyq pen odaqtastyq týraly» Deklarasııaǵa qol qoıyldy. Onda Qazaqstan men Reseı Federasııasynyń prezıdentteri berik beıbitshilik, turaqtylyq jáne kepildendirilgen qaýipsizdik jaǵdaıynda XXI ǵasyr eki memleket úshin de jan-jaqty damýǵa, ekonomıka men mádenıetti kóterýge keń aýqymdy perspektıvalar ashatynyna senim bildirgen. Bul týraly «Egemen Qazaqstan» gazetiniń 7 shilde kúngi nómirinde «Qazaqstan-Reseı: HHI ǵasyrǵa baǵyttalǵan sara jol» taqyrybymen maqala jarııalandy.
*17 shildede Sholpan-Atada Qazaqstan men Qyrǵyzstan basshylary Qazaqstan Respýblıkasy men Qyrǵyz Respýblıkasy arasyndaǵy memlekettik shekarany delımıtasııalaý týraly memorandýmǵa qol qoıdy.
* 24 tamyzda Qazaq ulttyq mýzyka ónerin damytýǵa sińirgen asa úzdik eńbegi men joǵary kásibı sheberligi úshin kompozıtor Nurǵısa Tilendıevke «Halyq Qaharmany» ataǵy berilip, aıryqsha erekshelik belgisi – Altyn Juldyz tapsyrý jónindegi Prezıdent Jarlyǵy shyqty.
* 25 tamyzda ǵaryshker Talǵat Musabaev ǵaryshtan oraldy. Bul joly ol «Mır» ǵarysh stansasy ekıpajynyń komandıri bolyp oraldy. Ǵaryshkerdi Jezqazǵan jerinde Elbasy Nursultan Nazarbaev qarsy aldy.
* 3 qyrkúıekte Prezıdent Jarlyǵymen Almaty oblysyndaǵy Qaskeleń aýdanynyń ataýy Qarasaı aýdany bolyp ózgertildi.
*11 qyrkúıekte Almaty oblysynyń Jambyl aýdanynda qazaqtyń Qarasaı batyrynyń týylǵanyna 400 jyl tolýyna arnalǵan saltanat bolyp ótti. Saltanatqa Qazaqstan men Qyrǵyzstannyń basshylary – Nursultan Nazarbaev pen Asqar Aqaev qatysty.
*18 qyrkúıekte «Memlekettik organdar júıesin odan ári ońtaılandyrý jónindegi sharalar týraly» Prezıdent Jarlyǵyna qol qoıyldy. Qazaqstan Respýblıkasynyń ulttyq qaýipsizdik komıtetiniń áskerı quramy 1000 áskerı qyzmetshige, Bas prokýratýra – 500 qyzmetkerge qysqartyldy. Qazaqstan Respýblıkasynyń Prezıdentine tikeleı baǵynatyn jáne esep beretin memlekettik organ retinde Qazaqstan Respýblıkasynyń Memlekettik qyzmet isteri jónindegi agenttigi quryldy.
*22 qyrkúıekte Prezıdent N.Á.Nazarbaev Italııaǵa resmı saparmen bardy. Sapar barysynda Italııa Prezıdenti O.L.Skalfaromen jáne Mınıstrler Keńesiniń Tóraǵasy R.Prodımen kezdesti. Nursultan Nazarbaevtyń Italııaǵa bul resmı sapary ekijaqty qatynastardy odan ári tereńdetýge yqpal etti. Elbasy Italııa Prezıdenti O.L.Skalfaromen, Mınıstrler Keńesiniń Tóraǵasy R.Prodımen, Vatıkannyń jáne Rım katolık shirkeýiniń basshysy Papa Ioann Pavel II-men kelissózder júrgizdi. Qasıetti Taq pen Qazaqstan Respýblıkasy arasyndaǵy ózara túsinistik týraly kelisimdi aıryqsha bólip aıtý kerek. Qazaqstan osyndaı qujatqa qol qoıǵan TMD-daǵy tuńǵysh memleket boldy. Kelisimge qol qoıylǵannan keıin taratylǵan Vatıkannyń resmı málimdemesinde atalǵan kelisimdi jasasý «tarıhı oqıǵa» dep ataldy. Sapar barysynda Italııa Respýblıkasynyń Prezıdenti Oskar Skalfaroǵa «Dostyq» ordeni tapsyryldy.
* 7 qazanda «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» Zań qabyldandy. Prezıdenttik bılik merzimi 5 jyldan 7 jylǵa aýystyryldy. Saılaýshylardyń 50 paıyzdan astamy daýys berýge qatyssa, saılaý ótkizildi dep esepteletin boldy. «Memlekettik qyzmetshiniń jasy alpys jastan, al erekshe jaǵdaılarda alpys bes jastan aspaýǵa tıis» degen sózder alynyp tastaldy. Parlament Májilisiniń depýtattaryn saılaý partııalyq tizimder arqyly da júrgiziletin bolyp belgilendi.
* 12 qazanda Reseı Prezıdenti Borıs Elsın Qazaqstanǵa resmı saparmen keldi. Qazaqstan Prezıdenti Nursultan Nazarbaevqa Reseı Federasııasynyń eń joǵary nagradasy – Qasıetti áýlıe Andreı Pervozvannyıdyń ordeni tapsyryldy. Eki el basshylary 1998-2007 jyldarǵa arnalǵan ekonomıkalyq yntymaqtastyq týraly shartqa jáne Qazaqstan Respýblıkasy men Reseı Federasııasy arasyndaǵy memlekettik shekarany delımıtasııalaý týraly qaýlyǵa qol qoıdy.
* 28 qazanda Prezıdent Nursultan Nazarbaev Túrik Respýblıkasy táýelsizdiginiń 75 jyldyǵyna arnalǵan saltanatqa qatysty.
*29 qazanda Ankarada Qazaqstan Prezıdenti Nursultan Nazarbaev, Ázerbaıjan Prezıdenti Geıdar Alıev, Grýzııa Prezıdenti Edýard Shevardnadze, О́zbekstan Prezıdenti Islam Karımov, Túrkııa Prezıdenti Súleımen Demırel munaıdy «Shyǵys – Batys» dálizi arqyly álemdik naryqqa tasymaldaý týraly deklarasııaǵa qol qoıdy.
*30-31 qazan kúnderi Prezıdent N.Á.Nazarbaev О́zbekstanda resmı saparmen boldy. Sapar barysynda Elbasy О́zbekstan Prezıdentimen kezdesip, birqatar qujattarǵa qol qoıdy. Qazaqstan Prezıdentine О́zbekstannyń eń joǵary memlekettik nagradasy – «Býıýk hızmatları ýchýn» ordeni tabys etildi. Eki el basshylary Qazaqstan Respýblıkasy men О́zbekstan Respýblıkasy arasyndaǵy «Máńgilik dostyq týraly» shartqa qol qoıdy.
* 12 qarashada Qazaqstan Respýblıkasynyń Sybaılas jemqorlyqqa qarsy memlekettik komıssııasy quryldy.
* 15 jeltoqsanda Astanadaǵy Kongress-hollda respýblıkanyń Táýelsizdik kúnine arnalǵan saltanatty májilis ótkizildi. Onda Memleket basshysy sóz sóıledi. Bul jóninde «Egemen Qazaqstan» gazetiniń 16 jeltoqsan kúngi nómirinde Elbasy sózin negizge alǵan «Jasaı ber, Táýelsiz Qazaqstan» taqyrybymen maqala jaryq kórdi.
*22 jeltoqsanda Qazaqstan Respýblıkasynyń «Neke jáne otbasy týraly» Zańy baspasózde jarııalandy. Osy kúni Prezıdent janyndaǵy konsýltatıvtik-keńesshi organ – Otbasy jáne áıelder isteri jónindegi ulttyq komıssııa qurý týraly Elbasy Jarlyǵy shyqty.
*30 jeltoqsanda Prezıdent Jarlyǵymen 1999 jyl «Urpaqtar birligi men sabaqtastyǵy jyly» dep jarııalandy.
