«KazSat-4» jerserigi qashan ushatyny anyqtaldy

QR Aqparat jáne kommýnıkasııalar mınıstrligi «KazSat-4» jerserigin ushyrý máselesin qarastyrýda, dep habarlaıdy "Egemen-aqparat" QazAqparatqa silteme jasap. QR Aqparat jáne kommýnıkasııalar mınıstrliginiń alqa májilisinde atalǵan vedomstvonyń vıse-mınıstri Sáken Sársenov telekommýnıkasııa salasyn damytý jaıyna keńinen sóz qozǵady. «Biz qalalyq jerdegi ınfraqurylym boıynsha barlyq máseleni sheshtik, al aýyldyq jerde «ósirý» qajettigi bar. Jelilik daıyndyq boıynsha biz álemde 39-shy oryndamyz. Elimizdiń óte úlkendigin, al halqymyzdyń az ekendigin eskerer bolsaq, bul óte jaqsy kórsetkish. Osy rette, bul salaǵa ınvestısııalyq shyǵyndardyń joǵary ári táýekeldi ekendigin túsingen jón. Biraq, oǵan qaramastan baılanys salasy qarqyndy damý ústinde», - dedi ol. Onyń aıtýynsha, aýyldyq eldi mekenderdi ınternet jelisine keńjolaqty qoljetimdilikpen qamtamasyz etý jobasy atalǵan qyzmettermen qosymsha 2,1 mln qazaqstandyqty qamtýǵa múmkindik beredi. Degenmen, ony júzege asyrý aıaqtalǵannan keıin de shamamen 900 myń qazaqstandyq joǵary jyldamdyqty ınternetke qol jetkize almaıdy. «Biraq,bul máseleni biz balama tehnologııalarmen sheshetin shyǵarmyz. «Qazaqtelekommen» jáne basqa da operatorlarmen birlesip bul máseleni talqylaýdamyz. Alaıda, buǵan qosa, K dıapazonynda «KazSat-4» jerserigin ushyrý týraly máseleni kóterý qajet shyǵar. Menińshe, 2017 jyldyń birinshi jartyjyldyǵynda biz ruqsat beretin bolamyz», - dedi vıse-mıınstr.