Olımpıada júldegeri

oqýshylarǵa sabaq berdi Qaraǵandylyq balýan qyz, Rıo-2016 Olımpıadasynyń qola júldegeri Elmıra Syzdyqova  «Samruk-Kazyna Trust» áleýmettik jobalardy damytý qory aıasyndaǵy «Fızkýlt-Ýra!» biregeı jobasynyń qatysýshysy atandy. Jaqynda ol osy shara sheń­berinde Qaraǵandydaǵy №45 gımnazııada oqýshy balalarǵa dene­shynyqtyrý páninen sabaq berdi. Olımpıada júldegeriniń aıtýynsha, «Fızkýlt-Ýra!» jobasyna deıin mektepke baryp, atalǵan pán boıynsha balalarǵa dáris berem degen oı úsh uıyqtasa túsine kirmepti. Degenmen, onyń bir kezderi áıelder kúresi boıyn­sha jattyqtyrýshy bolyp, bal­dyr­ǵandardy jarty jyldaı kúres óneriniń qyr-syryna úıretken tájirıbesi bar eken. – «Fızkýlt-Ýra!» óte kerek jáne paıdasy mol joba, –  deıdi Elmıra. –  Men sabaq bergen 7-synyptyń oqýshylary qazirdiń ózinde tulǵa retinde qalyptasyp úlgergen  býyn. Olardyń bárinen birdeı sportshy shyqpasy belgili. Degenmen, biz úshin balalardyń salamatty ómir saltyn ustanyp, deni saý urpaq bolyp óskeni áldeqaıda mańyzdy. Bilim oshaǵyndaǵy sha­ra barysynda óskeleń urpaq ara­synda sportty nasıhattap júr­gen balýan qyz óziniń bola­shaqtaǵy jos­parlaryn da ortaǵa saldy. So­nyń ishindegi mańyz­dylarynyń biri – Elmıra balýannyń tórt jyl­dan keıin bolatyn Tokıo-2020 Olım­pıadasyna qatyssam degen nıeti bar eken. Qaırat ÁBILDINOV, «Egemen Qazaqstan» QARAǴANDY