О́ndiris óreni

Memleket basshysynyń eńbek adamdary men áýletterin qurmet bıigine kóterý jónindegi tapsyrmasy elimizdegi eńbek erlerin tanytýdy kózdegen talaı tyń jobalarǵa túrtki boldy. Densaýlyq saqtaý jáne áleý­mettik damý mınıstr­liginiń sharýashylyq sheberlerin anyqtaý maqsatynda uıymdas­tyrǵan «Eńbek joly» baıqaýy da osy údeden tabylady. Sol synda «О́ndiristiń úzdik jas mamany» atalymynyń jeńimpazy atanǵan О́skemendegi mys zaýyty anodty óndiris sehynyń aǵa sheberi Ashat Zıkenov týraly áńgimelemekpiz. Shyǵys óńiri boıynsha «Jumysshy jastardyń úzdik tálimgeri», «О́ndiristiń úzdik jas mamany» jáne «Úzdik eńbek áýleti» atalymdarynda 40-tan astam qatysýshy baq synady. Metallýrgterdiń máde­nıet úıinde ótken saltanatty rá­simde «Qazmyrysh» JShS eń­bek resýrstary basqarmasy jas mamandy jumystastaryna úlgi etip, qoshemet kórsetti. Qut­tyqtaýlardan keıin jas mamanǵa eńbek resýrstary bas­qar­masynyń mamandarmen jumys jónindegi qyzmetiniń basshysy Elena Kalasynskaıa planshettik kompıýter syıǵa tartty. Ashat osydan 2 jyl bu­ryn zaýytqa ken qorytý ma­te­rıal­daryn daıyndaý sehy­nyń tıeýshisi bolyp kelgen bolatyn. О́z tańdaýymen О́ske­men metallýrgııalyq keshenine bet burǵan 2014 jyldyń 10 maýsymy erekshe este. «Metallýrgııa jáne tústi metallýrgııa» maman­dyǵy boıynsha bakalavrdy támamdaǵan jastyń aldynda eki jol tur edi. Erterek eńbek jo­lyn bastap, ózin ınjenerlik tur­ǵydan damytý kerek pe, álde sheteldik joǵary oqý oryn­darynyń birinde magıstratýrada oqyǵan jón be? Ol oılanbas­tan «Qazmyryshty» tańdady. Se­bebi, ózi oqyǵan D.Serikbaev atyn­daǵy Shyǵys Qazaqstan mem­­le­kettik tehnıkalyq ýnıver­sıteti kafedrasynyń «Qazmy­rysh» JShS janynan qurylǵan fılıaly bar edi. Osynda oqı júrip, bolashaǵyn kásiporynmen sabaqtastyrýdy kózdedi. – Ádette, oqý kóp máseleni sheshedi. Osy ýaqyt aralyǵynda jumys istep júrgen jerimniń alǵa qaryshty qadam basyp ke­le jatqan qýatty kásiporyn eke­nine kózim jetti. Tabysty bolatynyma sengendikten zaýytta qalýdy jón sanadym. Keshe ǵana oqý bitirgen jas mamandar úshin úmit pen talap óte mańyzdy dúnıe. Talapty jastardy kompanııa basshylyǵy qoldaıdy. Son­dyqtan munda múmkindikter mol. О́ndiristen qol úzbeı, ma­gıstra­týrany támamdadym. Ju­mys­tan keıin jáne demalys kúnderi oqı júrip, emtıhandarymdy jaqsy tapsyrdym, – dedi A.Zıkenov. Ashat jumysqa ornalasqan alǵashqy sátten bastap jańa ortaǵa beıimdelýge bar kúshin saldy. Aqyl-keńes suraýǵa qy­syl­mady. Janyndaǵy jas­tardan, óndiristiń ardager­lerinen úzdiksiz úırengen jas jigit olardyń kóz aldynda ósti. Taǵylymdama barysynda ózine kerekti dúnıeni alýǵa tyrysqan ol ásirese, qory­tý materıaldaryn daıyndaý sehynyń bastyǵy Ermek Qızamet­dınov, atalǵan sehtyń sheberi Vla­dımır Savelev, qorǵasyn zaýyty balqytý sehynyń bastyǵy Radjan Shyńǵalıev kómekterin aıanyp qalmaǵanyn aıtady. Úsh aıdan keıin zaýyttaǵy sart-surt qaınaǵan eńbek maıdanyna eti úırenip, ózin erkin sezine bastady. Osy ortanyń qajetti bir bólshegi ekenin túısindi. Bir jyldan soń sheberler mektebin de támamdady. Mys zaýytynyń sheteldik áriptesterimen birge óndiristik mindetterdi atqara júrip, edel-jedel aǵylshyn tilin meńgerip aldy. Birde aýysym sheberiniń mindetin atqa­rý­shylyqty júktegen basshylyq jas jigittiń jigerin baıqap, basqa sehqa aýysýǵa usynys jasady. – О́ndiriste ózim atqaratyn jumystyń barlyǵyna jetik edim. Biraq, qol jetkizgen jetis­tikpen toqtap qalmaý qajet. Kásiporyn óz-ózin ósiremin degen mamanǵa mol múmkindik be­redi, deıdi ol. Úsh tildi úzdik meńgerip, endi nemis tilin úı­rene bastapty. Alǵa qoıǵan maqsatyna jetpeı qoımaıtyn qasıeti bolar, Ashat jumysshy ma­mandyǵyn tańdaý arqyly qazir­gi qoǵamda jetistikterge jetý­ge bolatynyn sózimen de, isi­men de dáleldep keledi. Osy sharada oblys ákiminiń orynbasary Jaqsylyq Omar biliktiligi joǵary mamandar qaı kezde de qajettigin, sol sebepti óndiriske laıyqty mamandar tárbıeleý kerek ekendigin atap ótip, eńbeksúıgishtik pen tabandylyqtyń úlgisi retinde Prezıdentimiz Nursultan Nazar­baevty aıtýǵa bolady. Eger adal eńbek etseńiz, ómirde kóp dú­nıege qol jetkize alasyz. Son­dyqtan Eńbek kúniniń máni erekshe, dedi. Al oblystyq jumyspen qam­tý jáne áleýmettik baǵdar­la­ma­lardy úılestirý basqarma­synyń basshysy Elena Sta­renkova adam eńbeginiń qoǵam­daǵy mártebesi men mańy­zyn kóteretin dástúrli baı­qaý Memleket basshysynyń «Jalpyǵa Ortaq Eńbek Qoǵa­my» ıdeıasynyń sheńberinde eńbek ónimdiligin jandandyrý, jumysshy kásibiniń mártebesin kóterýdi kózdeıtinin jetkizdi. Árıne, kúnde ózgerip jat­qan tehnologııa da, qaryshty ǵy­lymı órleý de, qýatty óndiris oryndary da, barlyq jetistik bastaýynda adam eńbegi, talanty hám kúsh-jigeri turǵany anyq. Iаǵnı, «Eńbek – bárin jeńbek» degen osy. Dýman ANASh, «Egemen Qazaqstan»   О́SKEMEN