EKSPO-2017 kezinde Baıanaýylǵa áýe reısteri ashylmaq

Pavlodarda EKSPO-2017 halyqaralyq kórmesi kezinde Baıanaýyl aýmaǵyna áýe reısterin ushyrýdy josparlap otyr, dep habarlaıdy pavlodarnews.kz. Bul týraly О́ńirlik kommýnıkasııalar qyzmetinde Baıanaýyl aýdanynyń ákimi Orazgeldi Qaıyrgeldınov málim etti. «EKSPO-2017 kezinde bizdiń aýdanǵa týrıster kóptep keledi. Qazirgi ýaqytta, aýdannyń týrıstik bazasyn qurastyrý boıynsha jobamen jumys júrip jatyr. Ony biz 1 jeltoqsanǵa qaraı tapsyrýymyz kerek. Joba qabyldanǵan soń kelesi jyldyń sáýir aıynda ony iske asyrýǵa kirisemiz. Baıanaýyl aýdanynda úsh kól bar: Jasybaı, Toraıǵyr jáne Sabyndykól. Negizgi tirek sońǵysyna baǵyttalatyn bolady. Sonymen qatar, Qarajar aýylynyń qasynda jazǵy demalys túrlerimen qatar qysty demalysty da jetildiremiz. Osy jerde taý shańǵymen aınalysýǵa jaǵdaı jasasaq deımiz. Budan basqa, qonaqtarǵa yńǵaıly bolýy úshin Pavlodar-Qaraǵandy-Astana baǵyty boıynsha Baıanaýyl arqyly shaǵyn ushaqtar jelisin damytýdy josparlap otyrmyz. Ushaqtyń qonýyna bir shaqyrymdyq alań jetkilikti, mundaı qolaıly jer Sabyndykóldiń mańynda bar. Bul másele boıynsha jekemenshik tasymaldaýshylar men týrfırmalarmen kelisim sóz júrgizilip jatyr», - dedi Orazgeldi Qaıyrgeldınov. Buǵan qosa, aýdanǵa týrıster men ınvestorlardy tartý maqsatynda ólkeniń tarıhy men usynystarymen tanysýǵa bolatyn arnaıy saıttyń ashylýy josparlanyp otyr. Aıta ketý kerek, jazǵy ýaqytta Baıanaýyl aýdanyna demalýǵa 150 myń adam keledi.