Astanada Qazaqstan, Túrkııa, Ázerbaıjan, Qyrǵyzstan jáne Irannyń arnaıy qyzmetteriniń basshylary bas qosty.
Baqylaýshy retinde Reseı, Ýkraına jáne grýzııalyq mamandar shaqyrylǵan. Jınalǵandar halyqaralyq lańkestik uıymdardyń kúsh alǵanyna alańdaýshylyq bildirip, bul ortaq problema desti. Olardyń jolyn kesýdiń amaldaryn qarady. Sharaǵa qatysqan Ulttyq Qaýipsizdik komıtetiniń tóraǵasy Kárim Másimov ózara kásibı baılanysty arttyrý qajet degen oıyn aıtty, dep jazady «Habar» arnasy.
«Halyqaralyq koalısııanyń soqqylaryna qaramastan lańkestik óz óktemdigin jalǵastyrýda.Terrorlyq shabýyldar geografııasy keńeıýde. Lańkester áreketteriniń taktıkasy men ádisteri myń qubylýda. Internet jelilerinde lańkestikti nasıhattaý aýqymy da kemimeı otyr. DAISh atyn jamylǵan basqa da toptar jańa syr-qaterler týdyrýda, onyń ishinde konferensııaǵa qatysýshy elder qosymsha qarjy kózderin izdeýde. Osy úrdistiń barlyǵy halyqaralyq, óńirlik qaýipsizdik jaǵdaıyna, memleketterimizdiń saıası turaqtylyǵyna tikeleı yqpal etýde», - dep atap ótti QR UQK tóraǵasy K. Másimov.
Qaýipsizdik keńesiniń hatshysy Vladımır Jumaqanov bolsa, bul jumystar júıeli bolýy úshin ortaq jospar qurýdyń mańyzdylyǵyn atady.
«Álemdik qaýymdastyq júıeli jospar quryp, birlesip jumys istese, terrorızmmen kúres nátıje beredi. Búgin ózara yqpaldastyqty arttyra alamyz. Ol úshin mańyzdy aqparattardy almastyryp, kásibı turǵyda tájirıbe bólisýimiz kerek. Álemdik qaýipsizdik zamanaýı jumys júıesin qajet etedi», - dedi QR Prezıdentiniń kómekshisi - qaýipsizdik keńesiniń hatshysy Vladımır Jumaqanov.
Shara 18 qazan kúni ótken bolatyn.
