Ońtústikten soltústikke 700-den astam otbasy qonys aýdarmaq

«Serpin» baǵdarlamasy aıasynda Soltústik Qazaqstan oblysyna ońtústik óńirlerden 700-den astam otbasy kóship kelmek. Bul týraly búgin Astanada Ortalyq kommýnıkasııalar qyzmetinde ótken baspasóz máslıxatynda Soltústik Qazaqstan oblysy ákiminiń birinshi orynbasary Aıdarbek Saparov málim etti. «Serpin» baǵdarlamasymen bizde 600-den astam bala ýnıversıtetterde, 400-den astamy kolledjderde oqyp jatyr. Bul jumys jaqsy júrip jatyr. Olardyń tártibi men bilimderin tárbıe isi jónindegi basshylyqtary, bilim basqarmalary baryp, bilip otyrady. О́zim de baryp, kezdestim, kóńilderin bilip. Jalpy biz olarǵa qoldaý kórsetip jatyrmyz. О́zimizdiń oıymyz - balalar osy jaqqa kelgennen keıin, osynda qalsa. О́ıtkeni bizdiń óńirdiń sanyn kóbeıtý kerek. О́zderińiz bilesizder, bizde kóshi-qonnyń teris saldosy tirkelýde. Sondyqtan ońtústik óńirlermen biz tyǵyz jumys jasap jatyrmyz. Oblys ákiminiń tapsyrmasymen men ózim 4-5 ret ońtústik óńirlerge baryp keldim. Kezdesý ótkizdim. Búgingi tańda 700 otbasy Soltústik Qazaqstan oblysyna kóship kelýge nıet tanytýda. Qazirgi ýaqytta 127 otbasy kóship keldi. Árıne, qonys aýdarǵan adamǵa ońaı emes, qıynshylyqtar da bolady. Biraq aýdan ákimderi barlyǵyn baqylaýda ustap otyr», - dedi A. Saparov. Aıta keteıik, «Serpin» baǵdarlamasy 2014 jyldan beri jumys isteýde. Onyń maqsaty - mamandarǵa zárý soltústik, shyǵys jáne batys óńirlerine ońtústik (OQO, Jambyl, Qyzylorda, Almaty oblystary) jastaryn kóshirý, olardy oqytý jáne jumysqa ornalastyrý.