Ulttyq brend baıqaýynda operator daýys berýge aqsha ustaǵan - Abaev

Qazaqstannyń ulttyq brendi baıqaýy aıasynda aqysyz bolý tıis SMS-habarlamany uıaly baılanys operatorlarynyń biri aqsha ustap qalyp otyrǵan. Bul týraly búgin Ortalyq kommýnıkasııalar qyzmetindegi baspasóz máslıhatynda QR Aqparat jáne kommýnıkasııalar mınıstri Dáýren Abaev málim etti. «Qazirgi kezde baıqaý boıynsha keıbir eskertýler paıda boldy, ıaǵnı operatorlardyń biri daýys berýge aqsha ustaı bastaǵan. Tehnıkalyq turǵyda bul másele túzetildi. Barlyq SMS-habarlamalar aqysyz bolýy tıis. Daýys berý úshin aqsha alǵan operatorlar ony qaıtadan azamattarǵa qaıtaryp beredi»,-dedi mınıstr. Osy rette ol Qazaqstan halqyn unaǵan logotıpke belsendi túrde daýys berýge shaqyrdy. «О́zderińiz bilesizder, QR Ulttyq brendin anyqtaý boıynsha baıqaý bıylǵy jyldyń 31 tamyzynan 15 qazanyna deıin ótinishter qabyldaý júrgizildi. Jalpy osy ýaqytqa 966 ótinish kelip tústi, solardyń 794-i daýys berý kezeńine jiberiledi. 172 jumys erejeniń talaptaryna saı bolmaǵandyqtan, kelesi kezeńge ótken joq. Baıqaýdyń maqsatyna toqtalatyn bolsam, qazirgi kúni kez kelgen memleket eń aldymen eldiń ımıdjine nazar aýdarady. О́ıtkeni, bul ınvestısııany jáne týrısterdi tartýdyń birden bir joly. Árıne, ulttyq brendke eń aldymen sol memlekettiń shynaıy jetistikteri negiz bolýy kerek ekenin jaqsy túsinemiz. Sonymen qatar eldiń ımıdjin ilgerletý úshin bir kórgennen este qalatyn aıryqsha sımvolıka qajet»,-dedi mınıstr. Qazirgi ýaqytta baıqaýdyń birinshi kezeńi, ıaǵnı ınternet-qoldanýshylardyń daýys berýi ótip jatyr. Barlyq túsken jumystar mınıstrliktiń resmı saıtynda ornalastyrylǵan. Árbir adam unaǵan jumysqa SMS-habarlama jiberýi arqyly daýys bere alady. Daýys berý 15 kún ishinde júrgiziledi. Daýys berý nátıjesi boıynsha remı saıtta eń kóp daýys jınaǵan jáne ekinshi kezeńge ótetin keminde 5 úmitker anyqtalady. Osy kezeńde avtorlar Sarapshylyq keńeste ózderiniń tujyrymdamalaryn tanystyrady. Atap aıtqanda, jeńimpaz 5 000 000 teńge kóleminde aqshalaı syılyq alady, al baıqaýdyń ekinshi kezeńine ótkenderdiń barlyǵyna 200 000 teńgeden tapsyrylady.