Halyqaralyq valıýta qory Qazaqstan ekonomıkasyna baǵa berdi

Halyqaralyq valıýta qorynyń boljaýynsha, 2020 jylǵa deıin álemdik munaıdyń bir barreli 56 AQSh dollaryna jetýi múmkin. Al kelesi jyly 51 dollar bolady. Bul boljamdy Halyqaralyq valıýta qorynyń Ortalyq Azııa jáne Taıaý Shyǵys elderi departamenti dırektorynyń orynbasary Iýha Kıahkonen "Habar" tilshilerine bergen suhbatynda aıtty. Sheteldik sarapshy: «Ulttyq banktiń aıyrbas baǵamyna qatysty ustanǵan saıasaty durys»,– deıdi. Bul sheshim teńgeniń básekege qabiletti ekenin kórsetedi.  Sonymen birge «Nurly jol» jáne «100 naqty qadam» baǵdarlamalary der kezinde qabyldanyp, nátıje berýde. «Baǵdarlama júktegen mindetterdi iske asyrý arqyly aldaǵy ýaqytta qarjy júıesi de nyǵaıady. Sondaı-aq Qashaǵan ken ornyn ıgerý ekonomıkanyń jaqsarýyna yqpal etedi»,– dedi Halyqaralyq valıýta qorynyń ókili. Iýha Kıahkonen, Halyqaralyq valıýta qorynyń Taıaý Shyǵys jáne Ortalyq Azııa elderi departamenti dırektorynyń orynbasary: - Qazirgi munaıdyń  baǵasy kóńil kónshitpeı otyr. Bul úrdis aldaǵy eki jylǵa sozylýy yqtımal. Men munaı baǵasy boıynsha bıýdjetti esepteýdegi kúrdeli máseleni kórip turǵan joqpyn. Baǵanyń  ósýine oraı bıýdjet kóleminiń  ulǵaıǵany jaqsy, árıne. Biraq bul máselede bıýdjetti naqty ári shynaıy josparlaý mańyzdy.