Qaraǵandy ken baıytý fabrıkasy alǵash ret rekordtyq ónim shyǵardy

Qaraǵandy ken baıytý fabrıkasy 40 jyldyq tarıhynda alǵash ret rekordtyq ónim shyǵardy. Kómirdi baıytyp, ony konsentratqa aınaldyratyn kásiporyn mundaı tabysqa jańa flotasııalyq jelini iske qosý arqasynda qol jetkizdi. Sapaly ónimge suranys mol. Konveerge bir aýysymda 200 vagon shıkizat keledi. Alyp sılındrdegi sýda kómirdiń sapaly quramy ajyratylady.  Bul otynnyń qyzýy mol. Ádette, kómirdi jaqqanda onyń 40 paıyzy kúlge aınalsa, konsentrattalǵan kómirden tek 10 paıyz qaldyq shyǵady.  Qazir ken baıytý fabrıkasy aıyna 241 myń tonna kómir konsentratyn óndiredi. О́nimniń 50 paıyzy metallýrgııalyq kombınatqa jiberilse, qalǵany eli ishine, Reseı, Ýkraına, Qytaıǵa eksporttalady.  Fabrıkada 500 adam eńbek etedi. "2018-2020-shy jyldary naqty tabysty kezeń bolmaq. Sebebi «Orta jáne aýyr sıklondy» dep atalatyn úlken jobany qolǵa almaqpyz. Bul joba iske asqanda, óndiristegi ónim kólemi 3 esege artady. Ári jańa tehnologııanyń kómegimen shyǵyn azaıady. Joba quny 20 mıllıon dollar shamasynda" - deıdi ken baıytý fabrıkasynyń bas dırektory Dmıtrıı Boıarskıı. Qaraǵandyda barlyǵy 10 shahta bar. Bıyl olardan 33 mıllıon tonna kómir óndirgen, bul ótken jylmen salystyrǵanda 4,8 paıyzǵa joǵary.  Jalpy Qaraǵandy qoınaýynda 10,9 mıllıard tonna kómir qory bar. Osy qatty otynnyń tonnasy aımaqtarda qys aldynda qansha ekenin aımaqtardaǵy tilshilerimizden suradyq.  Sonymen Qaraǵandynyń ózinde - 4-6 myń teńge, Almaty oblysynda - 10 myń 200, byltyr 9500 bolǵan. Al Aqtóbede - 14 myń teńge, Pavlodar qalasynda - 10-11 myń bolsa, aýdandarda 12-13 myń teńge. Eldiń shyǵysy Semeıde tonnasy - 7,5 myń, aýyldy jerlerde 12-16 myń aralyǵynda. OQO-da - 12 000 tg, byltyr 10 jarym, 11 myń bolypty. Al Qostanaıda 6 myńnan 12 myńǵa deıin.