Qazaqstan Respýblıkasy Investısııalar jáne damý mınıstrliginiń buıryǵy  №389 

  2015 jylǵy 31 naýryz, Astana qalasy Kóliktiń energııa tıimdiligi boıynsha talaptardy belgileý týraly «Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasy Zańynyń 5-babynyń 6-7) tarmaqshasyna sáıkes buıyramyn: 1. Qosa berilip otyrǵan kóliktiń energııa tıimdiligi boıynsha talaptar belgilensin. 2. Qazaqstan Respýblıkasy Investısııalar jáne damý mınıstrliginiń Indýstrııalyq damý jáne ónerkásiptik qaýipsizdik komıteti (A.Q. Erjanov): 1) osy buıryqtyń zańnamada belgilengen tártippen Qazaqstan Respýblıkasy Ádilet mınıstrliginde memlekettik tirkelýin; 2) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin kúntizbelik on kún ishinde onyń kóshirmesin merzimdi baspa basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy buıryqty Qazaqstan Respýblıkasy Investısııalar jáne damý mınıstrliginiń ınternet-resýrsynda jáne memlekettik organdardyń ıntranet-portalynda ornalastyrýdy; 4) osy buıryq Qazaqstan Respýblıkasy Ádilet mınıstrliginde memlekettik tirkelgennen keıin on jumys kúni ishinde osy buıryqtyń 2-tarmaǵynyń 1), 2) jáne 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Investısııalar jáne damý mınıstrliginiń Zań departamentine usynýdy qamtamasyz etsin. 3. Osy buıryqtyń oryndalýyn baqylaý jetekshilik etetin Qazaqstan Respýblıkasynyń Investısııalar jáne damý vıse-mınıstrine júktelsin. 4. Osy buıryq onyń alǵash resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasynyń Investısııalar jáne damý mınıstri Á.ISEKEShEV Qazaqstan Respýblıkasy Investısııalar jáne damý mınıstriniń 2015 jylǵy 31 naýryzdaǵy №389 buıryǵymen bekitilgen Kóliktiń energııa tıimdiligi boıynsha talaptar 1. Kóliktiń energııa tıimdiligi boıynsha talaptar (budan ári – talaptar) «Energııa únemdeý jáne energııa tıimdiligin arttyrý týraly» 2012 jylǵy 13 qańtardaǵy Qazaqstan Respýblıkasy Zańynyń 4-babynyń 10) tarmaqshasyna sáıkes ázirlenip, kóliktiń energııa tıimdiliginiń normatıvtik kórsetkishterin aıqyndaıdy. 2. Osy talaptarda mynadaı negizgi uǵymdar paıdalanylady: 1) energetıkalyq tıimdilik (energııa tıimdiligi) – energetıkalyq resýrstardy paıdalanýdan bolǵan paıdaly áserdiń osy áserdi alý maqsatynda óndirilgen energetıkalyq resýrstardyń shyǵyndaryna qatynasyn kórsetetin sıpattamalar; 2) kólik energııa tıimdiliginiń kórsetkishi – qozǵaltqysh tutynǵan energııasynyń jıyntyq kólemine paıdaly qoldanylǵan energııa qatynasymen aıqyndalǵan energııany túrlendirýge qatysty tıimdilik sıpattamasy; 3) otynnyń úlestik shyǵysy – kóliktiń bir saǵattaǵy qýat birligine otyn birliginiń shyǵysy; 4) otynnyń jylý shyǵarý qabileti (janýdyń úlestik jylýy) – salmaǵy 1 kg otyn tolyq janǵan kezde bólinetin jylý mólsherin kórsetetin shama. 3. Osy talaptar, osy talaptar qoldanysqa engizilgennen keıin ákelingen (ımporttalǵan) jáne shyǵarylǵan temir jol, avtomobıl, teńiz, ishki sý, áýe jáne qalalyq elektr kólikterine, onyń ishinde metropolıtenge taralady. 4. Kólikke osy talaptarǵa qosymshada kórsetilgen mánderge sáıkes energııa tıimdiligi kórsetkishteri boıynsha talaptar qoıylady. 5. Kóliktiń energııa tıimdiliginiń kórsetkishi bylaısha aıqyndalady: ET %-ben = 100 / (kg/kVt*saǵ-taǵy otynnyń úlestik shyǵysy * kVt*saǵ/kg-daǵy otynnyń jylý shyǵarý qabileti (janýdyń úlestik jylýy). Kóliktiń energııa tıimdiligi boıynsha talaptarǵa qosymsha Kóliktiń energııa tıimdiliginiń kórsetkishteri R/s № Kólik túriniń ataýy ET, %-ben 1 2 3 1 Avtomobıl: tabıǵı gazdaǵy qozǵaltqysh dızeldik qozǵaltqysh benzındik qozǵaltqysh gıbrıdtik avtomobıl (benzın/elektr) elektr qozǵaltqysh 66 60 60 75,7 52,5 2 Avıasııalyq qozǵaltqyshtar 40 3 Temirjol: teplovoz elektrovoz 41 82 4 Teńiz kóligi 60 5 Ishki sý 60 6 Qalalyq elektr kóligi, onyń ishinde metropolıten 75 Buıryq Qazaqstan Respýblıkasynyń Ádilet mınıstrliginde 2015 jylǵy 6 mamyrda Normatıvtik quqyqtyq kesimderdi memlekettik tirkeýdiń tizilimine №10962 bolyp engizildi.