О́zegi tolǵan aq jalyn

Tarlanboz aqyn, Qazaqstannyń halyq jazýshysy Hamıt Erǵalıevtiń týǵan jerinde keýde músini ornady Taǵdyrdyń talaı taýqymetin ótkergen Hamıt Erǵalıevtyń shyǵarmashylyǵy jas kezinen bastaý aldy. On jasynda ákesi ustalyp ketip, erte eseıdi. Bilim alýǵa umtyldy. «Halyq jaýynyń balasy» degen jeleý aldy­nan kese-kóldeneńdep shyǵa bergenine nalymady. Qaıratyna mindi. О́mirde de, ózi tańdap óleń órinde de jigerin jasytpady. О́zi ómir súrgen ýaqyttyń aýyrt­palyǵyn, qazaqtyń basyna túsken qıyndyǵyn «О́zegim tolǵan aq jalyn» dep shyǵarmashylyǵyna arqaý ete bildi. Jumyr jerdi janaryna syıǵyzyp, dáýirdiń bıiginen tebirene ún qatty. Bir qaraǵanda, aqyn poezııasynda óziniń ómirin óleńge aınaldyrǵany anyq ańǵarylady. Jaqynda ómirde de, óleńde de eshkimnen taısalmaı, óz únin tanyta alǵan halyq jazýshysy, Memlekettik syılyqtyń laýreaty Hamıt Erǵalıevtiń týǵanyna bir ǵasyr toldy. Osyǵan oraı onyń týǵan jerinde birqatar sharalar ótkizildi. Atyraýdaǵy sharalar aldymen, H.Dosmuhamedov atyndaǵy Atyraý memlekettik ýnıversıtetinde ót­ken «Júregimde jumyr jer» taqy­rybymen ótken jyr keshimen shy­myldyq túrdi. Oǵan tek óńir­diń ǵana emes, elimizdiń ár túk­pirinen aqyndar da qatysyp, ǵasyr­lyq bıiginen táýelsiz eliniń keleshegine mol mura qaldyrǵan aldaspan aqynǵa arnalǵan jyrlaryn oqydy. Aqynnyń urpaqtary Murat pen Altyn, búgingi jas býyn qataryndaǵy shóberesi Mus­tafa da estelikterimen bólisti. – Hamıt Erǵalıev –ańyzǵa aı­nalǵan adam, qazaqtyń aıaýly perzenti. Bul toı – rýh toıy, má­denıet toıy, qurmetti azamattardy árdaıym ulyqtap, eske alyp otyrýdy júzege asyrýdy qolǵa alý kerek, –dedi Qazaqstan Jazýshylar odaǵy Basqarma tóraǵasynyń birinshi orynbasary, halyqaralyq «Alash» syılyǵynyń ıegeri Ǵalym Jaılybaı. H.Dosmuhamedov atyndaǵy Aty­raý memlekettik ýnıver­sıtetiniń rektory Abzal Táltenov te­ńiz tolqynyndaı býyrqanyp, kún­deı kúrkirep jyr jazǵan Hamıt Erǵalıev atyndaǵy stıpendııa taǵaıyndap, onyń alǵashqy qarjysy 3-kýrs stýdenti Aısulý Jeksenovaǵa berildi. Sharalar legi Isataı aýdanynda jalǵasty. О́ıtkeni, osy dál aýdanda Hamıt aqynnyń kindik qany tamǵan. «Erǵalı kútiri» atalatyn mekende arnaıy taqta-belgi qoıyldy. Ekinshiden, eli­miz táýelsizdigin alǵan tusta H.Er­ǵalıevtiń atymen atalǵan aýyl­daǵy mekteptiń aldynda qazaq poezııasynyń aq boz pyraǵyndaı bolǵan Hamıt Erǵalıevtiń keýde músini ashyldy. Aýdan ákimi Turarbek Sultanbekov bolashaqta da Hamıt aqynnyń murasy týǵan jerinde nasıhattala beretinin toqtaldy. Osy aýdannyń ortalyǵy –Aq­qystaýdaǵy aýdandyq mádenıet úıinde aqynnyń murajaı bólmesi de jasaqtalypty. Onyń ashýylynda Hamıt Erǵalıev týraly derekti fılm kórsetildi. Endi bir sátte ekrannan «Osylaısha, aınalaıyn, aqyndar, Usha almasań únińdi kim maquldar? Jurtymyzdyń júregi bop soq deýge, Qanaty bop samǵa deýge haqym bar» degen óziniń óleń joldaryn qyrandaı sańqyldap oqyp otyrǵan Hamıt Erǵalıevtiń beınesi kórindi. Osyndaı aqjoltaı sharalar Atyraýdaǵy Mahambet atyndaǵy qazaq drama teatrynda poezııa ke­shimen jalǵasty. Teatr ár­tis­teri tek Hamıt aqynnyń ǵana emes, sonymen birge, onyń shy­ǵar­­­mashylyǵyna arqaý bolǵan keıip­kerleriniń beınesin somdady. Joldasbek ShО́PEǴUL, «Egemen Qazaqstan» Atyraý oblysy