Yntymaqtastyqtyń irgetasyn ǵaryshkerler qalady

Jaqynda Venanyń Ritz-Carlton otelinde Qazaqstan Táýelsizdiginiń 25 jyldyǵyna arnalǵan konferensııa bolyp ótti. Sharany uıymdastyrýshylar – Avstrııa-Qazaqstan qoǵamy men Qazaqstannyń Avstrııadaǵy elshiligi. Konferensııaǵa «Avstrııa-Ortalyq Azııa» parlamenttik tobynyń músheleri, Avstrııa Syrt­­qy ister mınıstrligi, halyqa­ralyq uıymdardyń atqa­rý­shy qurylymdary jáne Qazaq­stan elshiliginiń qyzmetker­leri, Qazaqstan Respýblıkasynyń Avs­trııadaǵy Qurmetti konsýldary, Avstrııa-Qazaqstan qoǵamynyń músheleri, qazaq dıasporasynyń ókilderi men stýdentter, Avstrııanyń ekonomıka, ǵylym, mádenıet salalarynyń jáne buqaralyq aqparat quraldarynyń ókilderi qatysty. Avstrııa-Qazaqstan qo­ǵa­mynyń prezıdenti, Avstrııa Ekonomıka palatasynyń vıse-prezıdenti, doktor R.Shens, Avstrııa-Qazaqstan qoǵamynyń atqarýshy prezıdenti, doktor G.Lanskı, Qazaqstannyń Avstrııadaǵy elshisi Q.Sarybaı jıynǵa qatysýshylarǵa quttyq­taý sózben qaıyryldy. Sóıle­gender Qazaqstannyń táýelsizdik alǵannan bergi jerde ekonomıka, saıasat, bilim, mádenıet salalarynda qol jetkizgen tabystaryn, sondaı-aq, Qazaqstan-Avstrııa yntymaqtastyǵynyń ózara tıimdi damýyn tilge tıek etti. Aldyńǵy qatarly tehno­lo­gııaǵa ıe avstrııalyq fırma­lardyń «Nurly jol» memlekettik baǵdarlamasy men «100 naqty qadam» Ult jos­paryn júzege asy­rýǵa qatysýǵa múmkindigi mol eken­digine nazar aýdaryldy. Ener­­gııa kózderine qatysty salada za­manaýı tehnologııalar­men jaraq­tandyrylǵan avstrııa­lyq kom­panııalar úshin qosym­sha múmkindik Astanadaǵy EKSPO-2017 kórmesine qatysýǵa jol ashady. Konferensııaǵa qaty­sý­shy­­larǵa alǵashqy avstrııalyq ǵa­ryshker F.Fıbektiń tuńǵysh qazaq ǵaryshkeri T.Áýbá­ki­rovpen 1991 jyldyń qazanynda «Baı­qońyr» ǵarysh aılaǵynan ǵaryshqa sapary týraly de­rekti fılm kórsetildi. Bul Qa­zaq­stan Táýelsizdiginiń rámizi is­pet­tes jáne Qazaqstan-Avs­trııa yntymaqtastyǵynyń negi­zin qalaǵan oqıǵa boldy. Bul týraly 1991 jyly qazanda Qa­zaq­stanǵa jumys saparymen bar­ǵan, ǵarysh kemesiniń ushýyna kýá­ger bolǵan Avstrııanyń buryn­ǵy Federaldyq kansleri F.Vra­nıskıı aıtyp berdi. Qazaqstan men Avstrııa ara­syndaǵy ekijaqty qarym-qaty­nas­tyń alǵashqy jyldary týraly Avstrııanyń Qazaqstandaǵy al­ǵashqy elshisi H.Gıýrer hanym baıan­dady. Qazaqstan Respýb­lı­kasy Syrtqy ister mınıstri­niń orynbasary R.Vasılenko qazaq jerinde toǵyz jyl boıy el­shilik qyzmet atqarǵan Gıýrerge eki­jaqty yn­ty­maqtastyqty da­my­týǵa qosqan úlesi úshin kór­nekti Alash dıplo­maty N.Tóre­qu­lov atyndaǵy me­daldi tapsyrdy. Konferensııanyń resmı bóligi aıaqtalǵan soń Vena konservatorııa­synda oqıtyn qazaqstandyq stýdentter A.Ma­dııar men A.Ovchın­nıkova qo­naq­tardy qazaq jáne klassıkalyq mý­zykalardy oryn­daýdaǵy she­ber­ligimen tánti etti. Ǵabıt MÚSIREP, «Egemen Qazaqstan»