Jyl basynan beri ekonomıkada ınvestısııa kólemi 4,1%-ǵa ósti - Bıshimbaev

Aǵymdaǵy jyldyń 9 aıynda ınvestısııalardyń kólemi 4,1%-ǵa 5,1 trln. teńgege ósti. О́sý «Nurly Jol» jáne «IIDMB» baǵdarlamalarynyń sheńberinde ındýstrııalyq-ınnovasııalyq jáne ınfraqurylymdyq jobalardy iske asyrýǵa negizdelgen. Bul týraly toǵyz aıdyń áleýmettik-ekonomıkalyq qorytyndylaryna arnalǵan Úkimet otyrysynda aıtyldy. О́tken jyldyń osy kezeńinde ınvestısııalardyń ósýi 3,5%-dy quraǵan bolatyn. Investısııalyq belsendilikti arttyrý aǵymdaǵy jyly ekonomıkalyq ósýdiń oń qarqyndaryn qoldaýǵa yqpal etedi jáne bolashaqta ekonomıkanyń ornyqty ósýiniń negizin qalaıdy dedi Ulttyq ekonomıka mınıstri Qýandyq Bıshimbaev. Sheteldik ınvestısııalardyń taza aǵyny esepti kezeńde 5,7 mlrd. AQSh dollaryn qurady, bul ótken jylǵy naqtylanǵan deńgeıden 4,4 esege joǵary (1,3 mlrd. AQSh doll.). Tikeleı sheteldik ınvestısııalardyń qomaqty úlesi jańa ınvestısııalyq jobalardy qarjylandyrýǵa baǵyttaldy. Dınara Bitikova