Saýdııaǵa sapar: quny 60 mlrd teńgeden asatyn kelisimder jasaldy

  Qazaqstan Prezıdentiniń Saýd Arabııasyna jasaǵan resmı sapary joǵary deńgeıde ótti. Bul sapardyń el ekonomıkasyna, halqymyzdyń turmys-tirshiligin jaqsarta túsýge septigin tıgizeri sózsiz.  Máselen, sapar aıasynda energetıka, taý-ken salasy, aýyl sharýashylyǵy, saýda-sattyqqa qatysty jalpy quny 60 mlrd teńgeden asatyn 10 kelisimge qol qoıyldy. Atap aıtqanda, olardyń arasynda Ońtústik Qazaqstan oblysyndaǵy qus fabrıkasy, Aqmola oblysyndaǵy azyq-túlik óndirisi jónindegi kelisimder bar. Sonymen qatar, eki memlekettiń arasynda mynadaı ekijaqty qujattarǵa da qol qoıyldy: - Qazaqstan Respýblıkasy men Saýd Arabııasy Koroldigi arasyndaǵy Sottalǵan adamdardy berý týraly shart; - Qazaqstan Respýblıkasy men Saýd Arabııasy Koroldigi arasyndaǵy ustap berý  týraly shart; - Qazaqstan Respýblıkasynyń Úkimeti men Saýd Arabııasy koroldiginiń Úkimeti arasyndaǵy Atom energııasyn beıbit maqsatta paıdalaný salasyndaǵy yntymaqtastyq týraly kelisim; - Qazaqstan Respýblıkasynyń Aýyl sharýashylyǵy mınıstrligi men Saýd Arabııasy Koroldiginiń Aýyl sharýashylyǵy mınıstrligi arasyndaǵy Aýyl sharýashylyǵy salasyndaǵy yntymaqtastyq boıynsha ózara túsinistik týraly memorandým. Joldybaı Bazar, «Egemen Qazaqstan».