Balalar ádebıetine «Shımaı-Shatpaq» keldi...

Almatyda «Altyn qalam» ádebı baıqaýyn ótkizýshiler alqasy men «Arýna» baspasynyń uıymdastyrýymen balalarǵa arnalǵan «Shımaı-Shatpaq» atty kitaptyń tusaýkeseri ótti. – «Altyn qalam» baıqaýyn ótkizýge kelisken kezimizde bizde bir ǵana maqsat bolǵan edi: qazaq ádebıetinde jańasha sıpattaǵy shyǵarmalardyń jazylýyna, jaryq kórýine úlesimizdi qosý. Baıqaý buǵan deıin birneshe márte qorytyndylanyp, jyl saıyn júldegerlerdi marapattaý rásimi ótip turdy. Sońǵy kezeńde júldegerlerdiń shyǵarmalaryn jeke kitap etip bastyrý jaıyn qarastyrdyq. Bizge alǵashqy bolyp «Arýna» baspasy qolushyn sozdy. Nátıjesinde balalar ádebıetine «Shımaı-Shatpaq» keldi, – dedi «Kitap qalashyǵy» dúkeninde ótken rásimde «Altyn qalam» baıqaýyn uıymdastyrýshylar atynan sóz alǵan jýrnalıst Kenje Jumanuly. Shımaı - Shatpaq – shyt jańa kúlkili keıipker. Mundaı keıipkerlerdi shetel ádebıetinde komıks retinde qabyldaý dástúri burynnan bar. Al kitap avtory uzaq jyldar boıy Almatydaǵy Saparǵalı Begalın atyndaǵy balalar kitaphanasynda eńbek etken Tumar Mókeshtegi hanym. «Altyn qalam» baıqaýynyń byltyrǵy jylǵy júldesin alǵan shyǵarmada qazirgi jasóspirim oqýshylar boıyndaǵy jaqsyly-jamandy ádetter men olardan boıyn aýlaq salýǵa shaqyratyn sátti ıirimder sýrettelgen. Bul – kitaphanashy-jazýshynyń baspa betin kórip otyrǵan tyrnaqaldy týyndysy. Avtor aldaǵy ýaqytta «Shımaı - Shatpaqtyń» jalǵasyn jazýǵa nıetti. Aıýtas Qalmahanbet MUQAMETQALI, «Egemen Qazaqstan» ALMATY