Kásibı bilim ordasy

qazirgi zaman talabyna tez beıimdeldi Qaztutynýodaǵy Saýda-ekonomıkalyq kolledjiniń dırek­tory, ekonomıka ǵy­lymdarynyń kandıdaty Myrzabek KÚJIMOVPEN áńgime  – Myrzabek Tórebekuly, al­dymen ózińiz basqaratyn oqý or­nynyń maman-kadrlar daı­­yn­daýdaǵy negizgi baǵyt-baǵdaryna toq­talyp ótseńiz. – Qaztutynýodaǵy Saýda-ekonomıkalyq kolledjiniń bilim berý qyzmeti Memlekettik bilim berýdi 2016-2019 jyldarǵa arnal­ǵan damytý baǵdarlamasynda qoıylǵan maqsat-mindetter – teh­nıkalyq jáne kásiptik bilim berý (TjKB) júıesiniń bedelin arttyrýǵa, TjKB qoljetimdiligin jáne kadrlardy daıarlaý sapasyn qamtamasyz etýge, eldiń ın­dýstrııalyq-ınnovasııalyq damý suranystaryn eskere otyryp, TjKB mazmunyn jańartýǵa, «Máń­gilik El» jalpyulttyq patrıottyq ıdeıasynyń rýhanı-adamgershilik qundylyqtaryn jáne salamatty ómir salty mádenıetin nyǵaıtýǵa, sondaı-aq TjKB menedjmentin jáne damý monıtorıngin jetildirip, básekege qabiletti kadrlardy sapaly daıarlaýdy qamtamasyz etýdi júzege asyrýǵa baǵyttalǵan. Al tehnıkalyq jáne kásiptik bilim berý júıesindegi oqý mekemesi qyzmetiniń negizgi baǵyty – ekonomıka jáne IT salasynda bilikti mamandardy daıyndaý. Sonymen qatar, oqý ornynda basty nazar áleýmettik seriktestikter men jumys berýshilerge de aýdarylǵan. Aıta ketý kerek, bul ózara áre­ket­testiktiń ózindik sapalyq baǵyt­tylyǵy bar. Sol sebepten de kolledj ujymy buǵan bar kúsh-jigerin jumsap keledi. Qazaqstan Respýblıkasy Táýel­sizdiginiń 25 jyldyǵy qarsańynda bizdiń kolledjge 60 jyl tolady. Onyń irgetasy sol jyldary qarqyndy damyp turǵan tutynýshy kooperasııa salalaryn mamandarmen qamtamasyz etý maqsatynda 1956 jyly Aqmola kooperatıv tehnıkýmy retinde qalanǵan bolatyn. Alǵashqy jyldary kolledjde «Býhgalterlik esep» jáne «Taýartaný» mamandyqtary boıyn­sha barlyǵy 120 adam bilim alǵan. Osy ýaqytqa deıin kolledj tek Qazaqstannyń ǵana emes, TMD elderiniń birqatar kásip­oryndarynda da eńbek etip júr­gen myńdaǵan túlekter daıyn­dap shyǵardy. Túlekter arasynda mınıstrlikter men túrli ve­domstvolardyń jetekshileri, kásip­­kerler men JOO-nyń oqy­tý­shylary kóptep kezdesedi. Oqý ornynyń qanat jaıýyna Aq­mola koo­­peratıv tehnıkýmyna ár jyldary basshylyq etken A.Ko­rolchenko, M.Harjevskıı, V.Mas­lov sııaqty tulǵalardyń sińirgen eń­bekteri zor. Kolledj naryqtyq ekonomıka talaptaryna sáıkes básekege qabiletti 6 baǵytta, ıaǵnı «Esep jáne aýdıt», «Týrızm», «Marketıng», «Quqyqtaný», «Esepteý tehnı­kasy jáne baǵdarlamamen qamta­masyz etý», «Aýdarma isi» maman­dyqtary boıynsha mamandar da­ıyndaýdy jalǵastyrýda. Al oqý úderisi zamanaýı qural-jab­dyqtarmen qamtamasyz etilgen. Kolledjde derbes kompıýterlermen jabdyqtalǵan 8 kompıýterlik synyp jáne 24 oqý aýdıtorııa­sy oqýdyń qazirgi zamanǵy aq­pa­rattyq-kommýnıkatıvtik teh­nologııasynyń basty quraly – ın­teraktıvti taqtalarmen jab­dyqtalǵan. Sonymen qatar, bilim berý sapasyn arttyrý maqsatynda aqparattyq bilim berý ortalyǵy ashylǵan, onda stýdentter men oqytýshylar ınternetti erkin paıdalana alady. – Oqý úderisinde jańa oqy­tý tehnologııalaryn paı­dala­nýdyń jaıy qandaı deń­geıde? – Kolledjde bul másele oıda­ǵydaı sheshilgen dep aıtýymyzǵa bolady. Búginde jańa oqý tehnologııalarynda tıimdi paıdalanylatyn mýltımedııalyq tehnıka jáne basqa da ádis-tásilder keńinen qoldanylyp keledi. Sabaq kezinde oqytýshylar stýdenttiń óz betinshe oqý daǵdysyn qalyptastyrýǵa beıimdelgen dástúrli oqytý ádis­terimen ushtastyrylǵan modýldik tehnologııalardy, damytý oıyndaryn, syndarly oqytý teorııasy turǵysynan oılaý tehnologııalaryn da paıdalanady. «Tehnıkalyq jáne kásiptik bilimdi jańǵyrtý» jobasy boıyn­sha kolledj oqytýshylary «Arta Software» JShS, «Kazakhstan Prime Innovation» JShS áleýmettik se­riktestermen birigip 1304000 «Ese­p­teý tehnıkasy jáne baǵ­dar­lamamen qamtamasyz etý» mamandyǵy boıynsha modýldik oqytý baǵdarlamasyn ázirledi. Nátıjesinde kolledj Astana qalasy Bilim basqarmasynyń buıryǵymen modýldik oqytý baǵdarlamasyn engizý boıynsha synaq alańy bolyp eseptelindi. Kolledjde sapaly bilim alý, kásibı daǵdyny qalyptastyrý jáne bolashaq mamannyń psıhologııasyn damytý úshin dýaldy oqytý elementteri engizilýde. Elimizdiń zańnamasy aıasynda naqty jumys isteıtin «Stýdent» oqý-zerthanalyq ortalyǵy ashylǵan. Bul ortalyq «Esep jáne aýdıt», «Marketıng» mamandyǵy boıynsha quzyretti mamandar daıyndaý úshin qajetti bilim men daǵdyny qalyptastyrýǵa yqpal etedi. Stýdentterdiń mamandyqqa degen qyzyǵýshylyǵyn arttyrý maqsatynda kolledjde áleý­mettik seriktesterdiń bilikti qyz­metkerleri tájirıbelik sabaqtar júrgizedi. Mysaly, «Esepteý teh­nıkasy jáne baǵdarlamamen qam­tamasyz etý» mamandyǵy boıynsha «Arýs Pro» JShS dırektory V.Areshın, «Arta Software» JShS baǵdarlamalaý boıynsha zerthana jetekshileri S.Korobısın men R.Egemberdıev ártúrli baǵdar­lamalaý tilderin úıretýde. Kol­ledjdiń áleýmettik seriktesteri sabaq berip qana qoımaı, sonymen birge, tájirıbeden ótý kezinde ózi­niń bilimi men biliktiligin dáleldegen túlekterdi jumysqa da alady. – Búginde oqý baǵdarlamalary biraz ózgeriske ushyrady, oqy­tý­shylarǵa degen talap ta kú­sheıtildi... – Jańa jumys talaptaryna sáıkes oqytýshy róli ózgergen, bilimdi taratýshy jáne tasymal­daýshynyń ornyna, ol joǵary quzyrettilikti keńesshige, baǵyt berýshi ári stýdenttiń kómekshisine aınalǵan. Al stýdentter oqý úderisiniń basty tulǵasy bolyp tabylady. Bilim berý 42 shtattyq oqytýshylar arqyly júrgiziledi, olardyń 14-i joǵary jáne birinshi sanatty mamandar. Kolledjde bilikti jáne bilimdi mamandardy daıyndaý jolynda jyldar boıy erinbeı eńbek etip júrgen oqytýshylar – A.Ústenbekov, S.Qundyzbekova, G.Til­dabaeva, G.Músilimova, E.Petko, L.Ybrae­va, A.Dametova, N.Jú­sipova, Ý.Adyr­bekovany atap ótken jón. Bilimdi reformalaý talaptaryna sáıkes oqytýshylardyń biliktilikterin arttyrý máselesine kóp kóńil bólinedi. Oqytýshylar Astana qalasy Bilim berý júıe­sindegi kadrlardyń biliktiligin arttyrý kýrstarynan udaıy ótip turady. Kolledj oqytýshylary Fransııanyń Sevr qalasyndaǵy, Reseı Federasııasynyń Máskeý jáne Tom qalalaryndaǵy, Be­la­rýs Respýblıkasynyń Mınsk qalasyndaǵy ortalyqtarda, sonymen qatar, áleýmettik seriktesterdiń bazalarynda biliktilikti arttyrý kýrstarynan ótti. Bıylǵy oqý jylynda «Kásipqor» holdıng UAQ uıymdastyrǵan biliktilikti arttyrý kýrsyna 12 oqytýshy qatysty. Onyń ishinde eki oqytýshy «Kásipqor» holdıng UAQ-tyń shtattan tys jattyqtyrýshysy mártebesin aldy. – Myrzabek Tórebekuly, kolledjde «Esepteý tehnıkasy jáne baǵdarlamamen qamtamasyz etý» mamandyǵy boıynsha «Tehnıkalyq jáne kásiptik bilim­di jańǵyrtý» halyqaralyq jobasy qolǵa alynyp jatqan eken. Endi sol jaıynda aıtyp berseńiz. – Qaztutynýodaǵynyń Saý­da-ekonomıkalyq kolledji «Teh­nıkalyq jáne kásiptik bilimdi jańǵyrtý» jobasy boıynsha 57 mıllıon teńge kóleminde grant ıesi bolyp tabylady. Joba Halyq­aralyq qaıta qurý jáne damý banki arqyly qarjylandyryldy. Halyqaralyq qaıta qurý jáne damý banki usynǵan bul zaım mamandardyń daıyndyq deńgeıin joǵarylatýǵa, básekege qabiletti tehnıkalyq jáne kásiptik bilim berý júıesin qurýǵa baǵyttalǵan. Jobanyń negizgi maqsaty – tehnı­kalyq mamandyq boıynsha oqıtyn stýdentterdi daıyndaý kezinde jańa bilim berý tehnologııalaryn engizýdi kózdeıdi. Jobanyń negizgi shart­ta­rynyń biri – modýldik oqytý baǵ­­­darlamasyn ázirleý. Ázir­lenip jatqan modýldik oqy­tý baǵ­darlamalary daıyndalatyn ma­manǵa tek «tehnık-baǵdar­lama­shy» biliktiligin berip qoımaı, oǵan qosym­sha «EEM operatory» jáne «EEM baptaýshysy» biliktilikterin de berýge baǵyttalǵan. Jobamen jumys isteý nátıjesinde kolledj oqytýshylary áleýmettik seriktestermen birlesip, «Esepteý tehnıkasy jáne baǵdarlamamen qamtamasyz etý» mamandyǵy boıyn­sha ınstıtýttyq damý jos­paryn ázirledi. Instıtýttyq damý josparynda aımaqta eńbek naryǵynyń áleýmettik-ekonomıkalyq qajet­tilikteri men talaptaryna sáıkes IT maman­daryn daıyndaý boıynsha úzdik kolledj mártebesine ıe bolýdyń strategııalyq maqsaty aıqyndalǵan. Onyń damý baǵyttary – áleýmettik seriktestikti, halyq­aralyq yntymaqtastyqty jáne kadrlyq áleýmetti damytý. Sonymen qatar, kolledj ımıd­jin jaqsartý, bilim berý úderisin jańǵyrtý, materıaldyq-tehnı­kalyq qordy nyǵaıtý. Grantqa bólingen qarjy Bilim jáne ǵylym mınıstrligi men Halyqaralyq qaıta qurý jáne damý bankiniń kelisimsharty boıyn­sha zamanaýı qural-jabdyqtar men baǵdarlamalyq ónimder alýǵa, ınteraktıvti oqytýǵa, kolledjdiń pedagogıkalyq qyzmetkerleriniń biliktilikterin arttyrýǵa, oqý-ádistemelik materıaldar men elek­trondy oqýlyq quraldaryn ázirleýge jáne basqarý júıesin jetil­dirýge baǵyttalady. Satyp alynǵan zamanaýı qural-jab­dyqtar 5 kompterlik synypta, 2 zerthanalyq jáne serverlik kabınetterde ornatylǵan. Joba aıasynda kolledjge 79 monoblok, 25 derbes kompıýter, 28 planshettik kompıýter, 13 qysqa fokýsty proektor, 13 ınteraktıvti jáne kóp fýnksııaly ınteraktıvti, son­daı-aq, portatıvti ınteraktıvti taqtalar, teledıdar jáne 3 WI-FI roýter satyp alyndy. Buǵan qosa, baǵdarlamalyq ónimderge de qol jetkizdik. – Aldaǵy jyldary júzege asyrylýy tıis qandaı joba-josparlaryńyz bar? – Oqý úderisin zamanaýı talap­tarǵa jaýap beretin deńgeıde ustap turý úshin, kolledjdiń ınjenerlik-pedagogıkalyq quramy zaman talabyna saı biliktilikterin arttyryp otyrýy tıis. Osyǵan oraı, úzdik qazaqstandyq jáne halyqaralyq tájirıbe negizinde biliktilikti arttyrý júıesiniń tıimdi modelin ázirleý, kolledjdiń jumys berýshilermen yntymaqtastyǵyn nyǵaıtý, bilim berý qyzmetiniń sapasyn qamtamasyz etý, oqý-ádistemelik quraldaryn ázirleý jáne engizý, kolledjdiń ımıdjin joǵarylatý jáne talapkerlerdiń sanyn kóbeıtý mindeti aldymyzda tur. Áńgimelesken Álısultan QULANBAI, «Egemen Qazaqstan»