Yntymaqtastyq úlgisi

О́tken jylǵy Prezıdent janyndaǵy Shetel ınvestorlary keńesiniń XXVIII plenarlyq otyrysynda Memleket basshysy Nursultan Nazarbaevtyń «Qazaqstan sheteldik ınvestısııalar arqyly qajetti bilimge, tehnologııalarǵa jáne tájirıbege ıe bolady», dep málimdegeni esimizde. Elbasy ınvestorlarsyz elimizdiń sapaly ártaraptandyrylǵan ekonomıkalyq ósimin qamtamasyz etý múmkin emestigin de basa aıtqan. S.Seıfýllın atyndaǵy Qazaq agrotehnıkalyq ýnıversıtetiniń ujymy Prezıdent bastamasyn qoldap, alǵashqylardyń biri bolyp iske kóshti. Keshe oqý ornynyń tehnıkalyq fakýlteti bazasynda Qazaqstan-Germanııa dál eginshilik ortalyǵy ashyldy. «Dál eginshilik» sózin túsindire ketsek, mamandardyń aıtýynsha, bul – ósimdikterdiń tirshilik ortasyndaǵy nemese alqap ishindegi túrlengishtigin eskerip, eginniń túsimin basqarý. Iаǵnı, egin alqabynyń ár sharshy metrin ońtaıly kútip-baptaý. Dıqandyqtyń atalǵan túri aýyl sharýashylyǵyn sony tehnologııamen jabdyqtap, sharýa­shylyq jáne tabıǵat qorlaryn únem­deýdi, maksımaldy ónim alýdy kózdeıdi. Qazaqstan-Germanııa dál eginshilik orta­lyǵynyń saltanatty ashylý rási­minde aldymen ýnıversıtet rektory, professor Aqylbek Kúrishbaev sóz sóıledi. «Biz Memleket basshy­synyń tapsyrmasyn alǵashqylardyń qata­rynda oryndaǵanymyzdy maqtan tutamyz. Nur­sultan Nazarbaev elimizdiń aýyl sharýa­shylyǵy salasyn ilgeriletýdi, ony biregeı zamanaýı tehnıkamen qamtamasyz etip, ónim kórsetkishterin arttyrýdy árkez aıtyp keledi. Agrarlyq bilim ordasynyń bazasynan ashylǵan dál eginshilik ortalyǵy – sondaı ıgi bastamanyń jemisi. Germanııanyń aýyl sharýashylyǵy salasy áldeqashan jetilip, damýǵa bet burǵan ózge elderge úlgi bolýǵa aınalǵanyn moıyndaýǵa tıispiz. Sondyqtan da osy isti nemis ǵalym­darymen birlese qolǵa alyp, júzege asyrýda­myz. Dál eginshilik júıesi, onyń teh­no­logııa­syn durys paıdalaný arqyly, birin­shiden, tyńaıtqyshtardy únemdesek, ekinshid­en, tuqymdyqty, janar-jaǵarmaıdy jáne eń­bek kúshin azaıtamyz. Sonyń esebinen topyraq­tyń qunarlylyǵy artyp, ónim eselene­di», dedi A.Kúrishbaev. Oqý orny basshy­sy statıstıkalyq málimetterge de toqta­lyp, AQSh fermerleriniń 80 paıyzy dál egin­shilik tehnologııasyn osy jáne ózge deń­geı­de qoldanyp, tabysqa keneletinderin jetkizdi. Basqosýda Aýyl sharýashylyǵy mınıs­trligi О́simdik sharýashylyǵy ónimderin óndirý jáne qaıta óńdeý departamentiniń dırektory Ajar Qajybekova sóz sóılep, osyndaı jańashyldyqtar ózgeriske, órkendeýge bastaıtynyn áńgimeledi. «Qazaqstan astyqty memleketterdiń qatarynda atalady. Sol sebepti, aýyl sharýashylyǵyndaǵy nátıjeli ja­ńalyqtardy biz jatsynbaýǵa tıispiz. Olar­dy tájirıbemizde qoldanyp, arnaıy mamandaryn oqý oryndarymyzda daıarlaı alsaq, úlken jetistik bolar edi», dedi mınıstrlik ókili. Germanııa Federatıvtik Respýb­lıkasynyń Qazaqstandaǵy elshisi Rolf Mafael, Osna­brıýk qoldanbaly ǵylymdar ýnıversıtetiniń professor­lary Dıter Traýs pen Hýbert Korte óz sózderinde qos memlekettiń ynty­maq­­tastyǵy jyl sanap artyp kele jatqanyn áńgimelep, Qazaqstan Prezı­denti Nursultan Nazarbaevtyń sarabdal saıasatyn, álemdik bastamalaryn qoldaıtyndaryn aıtty. Al jańa ashyl­ǵan dál eginshilik ortalyǵyn qajetti tehnıkamen tegin jabdyqtaǵan germa­nııalyq «CLAAS» fırmasynyń Shyǵys Eýropa bo­ıynsha aımaqtyq dırektory Nıls Roıtch Qazaq agrotehnıkalyq ýnıversıtetiniń bul bastamasyn qýana qoldaıtyndaryn jetkizdi. «Bizdiń áriptestigimiz úlken isterge bastasyn dep tileımin. Qazaqstannyń keń-baıtaq jerindegi astyq ónimdiligi dál eginshilik tehnologııasyn tıimdi paıdalanǵanda, tipti arta túsetinine senimim zor. Qazaq-nemis elderiniń ǵylym salasyndaǵy tyǵyz qarym-qatynasy áli kóptegen belesterge shyǵady», degen Nıls Roıtch «CLAAS» fırmasynyń jetistikterimen, josparlarymen bólisti. Shara barysynda S.Seıfýllın atyndaǵy Qazaq agrotehnıkalyq ýnıversıtetiniń bas­shylyǵy men Osnabrıýk qoldanbaly ǵylym­dar ýnıversıtetiniń ókilderi ǵylym-bilim jáne iskerlik baılanysty nyǵaı­tý jónindegi memorandýmǵa qol qoıdy. Sodan keıin qonaqtar oqý orny bazasyn­daǵy jańa ortalyqty, metall óńdeý jáne dánekerleý, et ónimderiniń eksperımen­taldi-óndiristik sehtaryn, Qazaq-qytaı aýyl sha­rýashylyǵyn mehanızasııalaý, Qazaq­stan-Belarýs ınjenerlerdi daıyndaý jáne qaıta daıarlaý ortalyqtaryn, tuqym mýzeıin, Aýyl sharýashylyǵy bıotehno­logııasy ǵylymı-zertteý ınstıtýtyn aralady. Ashat RAIQUL, «Egemen Qazaqstan»