Taýly aımaqta jylyjaı salýda turbattyqtar ozyp tur. Solardyń biri – «Rahmat ata» sharýa qojalyǵy. El alǵysyna bólengen ujym 20 azamatty jumyspen qamtyp otyr. Seriktestik 1,6 gektar jerde «Atııa» qyzanaǵy men «Týmı» qııaryn egip, búginde ekinshi kezeńniń daqyldaryn jınaýǵa kiristi.+
Turbat aýylynyń halqy jylyjaı sharýashylyǵyn damytýǵa beıimdelgen. Jıyrma gektardan astam jerdiń ár gektarynan 100 tonnadan astam baý-baqsha daqyldaryn jınap alyp otyr.
Aýdan sharýalary otandyq ónimdi Shymkentten bólek, Almaty, Astana qalalaryna jóneltedi.
Aıta keteıik, Ońtústik Qazaqstan oblysy – elimizdegi eń iri aýyl sharýashylyǵy ortalyqtarynyń biri. Sonymen qatar, Qazaqstandaǵy jylyjaılardyń 87 paıyzy osy oblysta ornalasqan. Olardyń jalpy kólemi 1 myń gektardan asady.
