OQO ákimi ızraıldik ınvestorlarmen kezdesti

Búgin oblys ákimi Janseıit Túımebaev ızraıldik «YR-Mitrelli Group» kompanııasynyń ókilderin qabyldady. Atalǵan kompanııanyń prezıdenti – negizin qalaýshy Haım Taıbpen bolǵan áńgimede taraptar Qazaqstan men Izraıldiń túrli salalarda yntymaqtastyq ornatyp kele jatqanyn, sondaı-aq, bul ıgi jumystardy Ońtústikte de odan ári damytý máselelerin talqylady, dep habarlaıdy OQO ákiminiń baspasóz qyzmeti. Basqosýda J.Túımebaev kompanııa basshylyǵyn Ońtústik Qazaqstan oblysyndaǵy iri ınvestısııalyq jobalardy júzege asyrýǵa shaqyrdy. Atap aıtqanda, Shymkent qalasynda onkologııalyq ortalyq pen konsýltatıvtik – dıagnostıkalyq emhananyń qurylysy, «aqyldy» avtoturaq, balyq sharýashalyǵyn damytý, Saryaǵash aýdanyndaǵy agrobaq jospary men sút jınaýǵa arnalǵan logıstıkalyq ortalyqtyń jumystaryn usyndy. Izraıl memleketiniń aýyl sharýashylyǵy, medısına, ónerkásip syndy birqatar salalarda álemdik kóshbasshy ekenin aıtyp, osy isterdiń Ońtústikte de qanat jaıýy qajettigine toqtalǵan Janseıit Qanseıituly óńirde sheteldik kásipkerlerdiń jumysyn damytýǵa ákimdik tarapynan qajetti qoldaýlardyń jasalatynyn jetkizdi. Buǵan deıin Ońtústik Qazaqstan oblysyna sapary aıasynda atalǵan kompanııa ókilderi óńirdegi kásipkerlik nysandaryn aralap, aýyl sharýashylyǵy salasy boıynsha ınvestısııalyq múmkindikterdi baıqaǵan bolatyn. Qonaqtar oblys aýmaǵyndaǵy kólik-logıstıkalyq aımaqtar men aýyl sharýashylyǵynyń  damýyna qyzyǵýshylyq bildirgen. Aıta keteıik, álemdik naryqta 20 jyldan beri jumys istep kele jatqan «YR-Mitrelli Group» seriktestigi - keń aýqymdy, uzaq merzimdi jobalardy ázirlep, júzege asyrýmen aınalysatyn iri kompanııa. Atap aıtqanda, seriktestik densaýlyq saqtaý, sý, energetıka, bilim berý, turǵyn úı, aýyl sharýashylyǵy jáne t. b. salalarda eńbek etedi.