Jetesovter jetistigi

Prezıdent Jarlyǵymen Qazaq­standa qyrkúıek aıynyń ekinshi jek­senbisi «Otbasy kúni» bolyp belgi­lendi. Osyǵan baılanysty S.Báıishev atyn­daǵy Aqtóbe oblystyq ámbe­bap ǵylymı kitaphanasynyń uıymdas­tyrýymen qalamyzdaǵy kóp balaly jáne ónerli otbasylardyń biri – Je­te­sovterdiń qatysýymen «Jan jylýyn balalaryna arnaǵan» atty benefıs-suhbat ótkizildi. Sharanyń maqsaty, oqyrman qa­ýym­ǵa otbasy kúni týraly máli­met berý. Balany kishkentaı kezderinen mýzykaǵa baýlyp júr­gen ónerli Je­tesovter áýletiniń shy­ǵar­ma­shy­lyǵyn nasıhattaý. Sondaı-aq, jastardy otansúıgishtikke, adam­ger­shilikke, ata-anany qurmetteýge jáne qadirleı bilýge baýlý. Benefıs-suhbatqa mádenıet sala­synyń qyzmetkerleri, qalamyzdaǵy joǵary jáne arnaýly orta oqý oryn­darynyń oqytýshylary men stýdent­teri, «Nur Otan» partııasynyń oblys­tyq fılıalynyń ókilderi, №35,37 jáne Qazanǵap atyndaǵy balalar óner mektebiniń muǵalimderi, oblystyq «Aqtóbe», «Aktıýbınskıı vestnık» ga­zetteriniń ókilderi qatysty. Shara barysynda «Shattyǵymen shýaq shashqan shańyraq» taqyrybynda slaıd kórsetildi. Jalpy, Aqtóbe óńirine ǵana emes, respýblıkaǵa tanymal, «Áıel ba­qyty», «Aıtýǵa ońaı» telebaǵ­dar­lamalaryna qatysyp, halyqqa ónegeli ómiri men ónerleri arqyly tanylyp júrgen Jetesovter ózderiniń áýleti jaıynda «Berekeli otbasy» taqyrybynda áńgimelep berdi. Úlken áýlettiń otaǵasy, «Shashý» halyqtyq ansambliniń jetekshisi О́mirhan Narımanuly: «Qazirgi tańda jeke shyǵarmashylyqpen aınalysamyn jáne ózim jastaıymnan jetimdik kórdim, júregi jumsaq, jany jaıdary Amankúldeı janǵa jolyqtyrǵan ómirge rızamyn, bolashaqta osy ul-qyzdarymdy úlken sahnada kórsem dep armandaımyn», – dedi. Keshtiń alǵy sózin alǵan Aqtóbe oblysynyń mádenıet, muraǵattar jáne qujattama basqarmasynyń bas mamany G.Mahanova: «14 bala tárbıelep, olardy ónerge baýlyp, ansambl uıymdastyryp halyq aldyna shyǵarýlaryńyzdyń ózi – otbasylyq qundylyq deýge bolady», – dep rızashylyǵyn bildirdi. Sharanyń jalǵasy «Shashý» ha­lyqtyq ansambliniń oryndaýynda «Átteń, tonnyń keltesi-aı», «О́z elim», «Aqtamaq» ánderi men «Shal­qy­­­ma» kúıi, «Mahambettiń termesi» sekil­­di ádemi áýenderge ulasyp, kórer­­­men qaýym balalardyń ónerin tama­­shalady. О́ner jolyna qanat qaqqan osy otbasynyń úlken balalarynyń biri 21 jastaǵy Aıgúl kolledjde oqysa, odan keıingileri mektep jasyndaǵylary qazirgi tańda Qazanǵap atyndaǵy óner mektebiniń baıan jáne qobyz klasynyń oqýshylary. Eń kishkentaıy Álıhan 4 jasta. «Jetesovter áýletiniń basty ereksheligi – ómirde de, ónerde de birge júrip, balalaryn tárbıelep, halyqtyń kózaıymyna aınalǵany. Balalardyń bolashaqta ata-ananyń úmitin aqtar, elin súıer sanaly azamat bolýlaryna senim bildiremin», – dep, S.Báıishev atyndaǵy oblystyq ámbebap ǵylymı kitaphanasynyń dırektory Nesibeli Saǵymbaıqyzy kesh qonaqtaryna rahmetin aıtyp, estelik syılyqtar tartý etip, alǵys hatpen marapattady. Aqerke SAǴIDOLLAQYZY AQTО́BE