Assambleıa kásipkerlikti damytýǵa úles qosady

Keshe Qazaqstan halqy Assambleıasynyń Parlament Májilisindegi depýtattyq tobynyń otyrysy ótkizildi. Otyrysty ashqan depýtattyq top­tyń jetekshisi, Májilis depýtaty Saýytbek Abdrahmanov  toptyń altyn­shy shaqyrylymdaǵy ekinshi sessııa­ǵa belgilengen jumys jospary týraly habardar etti. О́ziniń kirispe só­zinde Májilis Tóraǵasynyń orynbasary Vladımır Bojko Qazaqstan halqy Assambleıasynyń Kásipkerler qaýym­dastyǵynyń qyzmeti týraly áńgimelep berdi. Is júzinde eldiń etnomádenı birlestikteriniń ındýs­trııa­landyrýdyń aýqymdy baǵdarlamasyna qatysýyn qamtamasyz etetin qurylym jasalǵan. Qaýymdastyq memlekettiń, bıznestiń, etnomádenı birlestikterdiń áriptestigin damytýǵa júıeli negizde septesetin bolady. Qazaqstan halqy Assambleıasynyń Kásipkerler qaýymdastyǵy Ulttyq kásipkerler palatasymen belsendi túrde yntymaqtasa jumys isteýge nıetti. Táýelsizdik jyldarynyń bárinde Úkimet Memleket basshysynyń kásip­ker­likti ornyqty damytýdyń úlgi­sin qa­lyptastyrý jónindegi bas­ty ba­ǵy­tyn tabandy túrde júzege asyryp keledi. Memlekettiń el úshin eń qıyn kezdiń ózinde jasaǵan batyl qadam­dary az ýaqyttyń aıasynda otan­dyq kásip­kerlerdiń úlken tobyn qalyptastyrýǵa múmkindik ashty, dedi depýtattar aldynda sóılegen sózinde Ulttyq kásipkerler palatasy basqar­masynyń tóraǵasy Abylaı Myrzah­metov. Ol kásipkerlikti damytýdyń 10 qadamy týraly jan-jaqty aıtyp berdi. Olardyń arasyn­da shaǵyn kredıtteýdi keńeıtý, halyq­ty bıznestiń negizderine úıretý, aýylsha­rýa­shylyq kooperasııasyn damytý, básekege shydas bererlik bıznes qalyptas­tyrý, eksportqa eseptelgen ónim shy­ǵarý, kásipkerlikti damytýdyń óńirlik kartasyn jasaý, memlekettik organ­dardyń baqylaý-qadaǵalaý mindet­terin qaıta retteý, qylmystyq jáne ákim­shilik zańdylyqty jumsartý, barlyq vedomstvolyq jáne enshiles qu­ry­lym­dardyń naryq qaǵıdattaryn bu­zýyn tekserý sııaqty qadamdar bar. Otyrysta sóz alǵan halyq qalaý­ly­lary «Atameken» ulttyq palatasynyń qyz­metin negizinen maquldady, kásip­kerlik belsendilikti odan ári damyta túsý jóninde ózderiniń usynystaryn aıt­ty. Ǵabıt ISKENDERULY, «Egemen Qazaqstan»