OQO bir gektardan 24 sentner maqta alýda

Ońtústik Qazaqstan oblysynyń sharýalary maqtanyń gektarynan 24 sentnerden ónim alýda, dep habarlaıdy oblys ákimdiginiń baspasóz qyzmeti. Ońtústik Qazaqstan oblysynyń klımattyq jaǵdaıy - aýyl sharýashylyǵyn, onyń ishinde maqta sharýashylyǵyn damytýǵa eń qolaıly aımaq. Sondyqtan Ońtústik Qazaqstan elimizdegi aq maqtanyń negizgi otany sanalady. О́ńirde bıylǵy jyly 109,6 myń ga jerge maqta shıti egilse, bul ótken jylǵymen salystyrǵanda 10,3 myń ga artyq. Qazirgi tańda túsimdiligi ortasha eseppen ár gektardan 24 sentnerden 262,5 myń tonna shıtti maqta nemese mejeniń 94,7 paıyzy jınaldy. Maqta óńdeý uıymdarynda shıtti maqta qabyldaý baǵasy alǵashqy kezde 1 kılogramy 160-165 teńgeden (2015 j 1 kg baǵasy 107 teńgeden bastalǵan) bastalyp, búgingi tańda maqtanyń 1 kılogramy sortyna baılanysty 130-145 teńgeden qabyldanýda. Qazirgi tańda ár aýdannyń klımattyq jaǵdaıyna baılanysty 2-shi, 3-shi terim naýqany júrýde. Maqta jınaý jumystaryn qarasha aıynyń 1 onkúndiginde aıaqtaý josparlanǵan. Al oblys boıynsha maqta teretin 512 dana kombaın bar. Ońtústik Qazaqstanda maqta jınaý jumystarynyń 65% kombaınnyń kómegimen atqarylady.