Teńizdegi toǵysý

Aqtaý portyna Reseı Federasııasy Kaspıı flotılııasynyń kemeleri men ekıpaj músheleri dostyq saparmen keldi. Qazaqstan Respýblıkasy Táýelsizdiginiń 25 jyldyǵy qarsańyndaǵy dostyq shaqyrtýdy qabyl alǵan reseılik teńizshiler Aqtaý portyna Kaspıı mańy elderiniń dostyǵyn nyǵaıtý maqsatynda shaqyrǵan Iran elinen jetti. Qazaqstan men Reseı flot­­tary arasyndaǵy ynty­maqtastyqty tereńdete túsý, ózara tájirıbe almasý maqsa­tyndaǵy kezdesý aıasynda 250 ekıpaj múshesi Aqtaý qa­lasyn aralap, túrli sport­tyq saıystarǵa qatysty jáne «Máńgilik alaý» keshenine gúl shoq­taryn qoıdy. Reseılik teńizshilerdi Aqtaý portyna «Tatarstan» zymyran kemesi men «Grad Svııajsk» shaǵyn zymyran jáne teńiz kemesi alyp keldi. Reseı flotılııasynda bul kemelerdiń alatyn ózindik orny da, ózindik tarıhy da bar. Reseılik sý ústindegi kemeler brıgadasynyń komandıri Sergeı Babskovtyń aıtýynsha, ózge flottarda mundaı keme joq bolǵandyqtan, «Tatar­stan» zymyran kemesi biregeı sanalsa, «Grad Svııa­jsk» shaǵyn kemesi jaq­sy qarýlandyrylǵan. 1989 jy­ly A.Gorkıı atyndaǵy keme quras­tyrý zaýytynda jasalyp, 1993 jyly sýǵa jiberilgen «Tatar­stan» kemesi araǵa on jyl salyp Kaspıı flotılııasy qura­myna endi. Teńiz ústinde 260 shaqyrym qashyqtyqta jumys jasaı alatyn «Ýran» raketalyq kesheni jáne shabýylǵa qarsy eki granatometi bar keme qazirgi tańda atalmysh flotılııadaǵy negizgi kemelerdiń biri. 2010 jyly A.Gorkıı atyndaǵy keme qurastyrý zaýytynda jasalǵan «Grad Svııajsk» shaǵyn korabli sýǵa 2013 jyly jiberilip, bir jyldan soń Kaspıı flotılııasy quramyna kirgen. Zamanaýı ar­tıllerııalyq, raketalyq, sha­býylǵa qarsy, zenıttik jáne radıo­tehnıkalyq qarý­larmen, sondaı-aq, túngi mez­gilderde, aýa raıynyń qo­laısyz kezderinde de alys qashyqtyqqa jumys ja­saı alatyn «Kalıbr-NK» raketalyq keshenimen jab­dyqtalǵan bul keme ótken jyldyń qazan aıynda «Islam memleketi» lańkesterine qarsy shabýyl pozısııalaryna qatysqan. Kaspıı teńizi akvatorııasynan jasalǵan soqqy snarıad, jarylǵysh qurylǵylar óndiretin oryn men qarý-jaraq qoımasyn jarýǵa atsalysqan. Kórshi eki eldiń teńiz­shileriniń qarym-qatyna­syndaǵy bul al­ǵashqy kezdesý emes. Áskerı oqý-jattyǵý nemese dostastyq kez­desý maqsatynda jıi kezde­setin eki eldiń teńizshileri budan buryn 2014 jyly Aqtaýda bir­lesken oqý-jattyǵý ótkizdi. Al qazaq­standyq teńizshiler eki jyl qatarynan Daǵystannyń Kas­pıı flotılııasyna baryp, Mahach­ka­lada teńiz bıatlonynan ótken ja­rysqa qatysyp qaıtqan bolatyn. Gúlaıym ShYNTEMIRQYZY, «Egemen Qazaqstan» Mańǵystaý oblysy Sýretterdi túsirgen Talant QUSAIYN