Memlekettik saıasattyń mańyzdy arqaýy

Qazaqstan Respýblıkasy Parlamenti Senatynyń halyqaralyq qatynastar, qorǵanys jáne qaýipsizdik komıtetiniń tóraıymy Darıǵa Nazarbaevanyń jetekshiligimen Sh.Ýálıhanov atyndaǵy kadet korpýsynda Qazaqstandaǵy áskerı-patrıottyq qozǵalys máseleleri boıynsha qoǵamdyq tyńdaý bolyp ótti. Atalǵan shara bir jumaǵa sozylǵan respýblıkalyq áskerı-patrıottyq «Jiger» lageriniń tájirıbelik taldamalaryn qorytyndylaýdy maqsat etedi. Din isteri jáne azamattyq qoǵam mınıstri Nurlan Ermekbaev moderatory bolǵan qoǵamdyq tyńdaýǵa Parlament depýtattary, Qazaqstan halqy Assambleıasynyń, Qorǵanys mınıstrliginiń ókilderi, pedagogtar, jastar uıymdarynyń belsendileri, kadetter men jýrnalıster qatysty. Darıǵa Nazarbaeva óz só­zin­­de elimizdiń 25 jyldyq kezeń­degi beıbitshilik saıasaty­na keńinen toq­tala kelip, búgingi álemdegi kúr­deli áskerı-saıa­sı jaǵdaıǵa, je­tekshi memleket­ter arasyndaǵy qarym-qaty­nas­­­tarǵa, qarýlaný úderi­steri­ne, terrorızm men dinı ekstremızm­ge qatysty tol­ǵaq­ty pikir­lerin ortaǵa saldy. El­ba­sy­nyń halyqaralyq bedeli, beı­bitshil syrtqy saıasatymyz osy jyldar aralyǵynda qaýip-qa­terlerge tosqaýyl qoıa bildi. Bi­raq, qazirgi álem damýyna naq­ty baǵa berý qıyn. Saqtyq pen qyraǵylyq talap etiletin ýaqyt ústemdigindemiz. Sondyqtan ás­ke­rı saladaǵy reformany jal­ǵas­ty­rýmen qatar, bizdiń balalarymyz ben nemerelerimizdi áskerı-pat­rıottyq rýhta tárbıe­leýge barynsha nazar aýdarýy­myz kerek. Qazaqstandyq pat­rıo­tızm­siz reformalar men oqý­lar, qarjylan­dy­rýdy arttyrý múm­kin emes. Otan­nyń qadir-qa­sıetin boıyna sińirip ósken urpaq árdaıym jeńim­paz bolatynyn áskerı tarıh barynsha dáleldegen. О́ıtkeni, shynaıy rýh qýatyn jeńý múmkin emes, dedi komıtet tóraıymy. – Elbasy, Qazaqstan Respýb­lı­kasy Qarýly Kúshteriniń Bas qol­­bas­shysy N.Á.Nazarbaev aıt­­qan­daı, qazaqstandyq pat­rıotızmdi qalyp­tas­tyrýda áskerı-patrıot­tyq tárbıe mem­lekettik saıasattyń basym baǵyty bolyp qala beredi, – dedi mınıstr N.Ermekbaev. – Búgingi kúni barlyq óńirdegi bilim berý uıym­darynda 2200-den astam klýb­tar, úıirmeler jáne seksııalar jumys isteıdi. Mundaı qurylymdar Reseıde 5,5 myń, al Amerıkadaǵy skaýttyq qoz­ǵalys­­tar 4,1 mıllıon ul men 2,6 mıllıon qyzdy qamtıdy. Munyń barlyǵy óz Otanyn keleńsiz jaǵdaılardan qorǵaýǵa daıyn bolýdy maqsat etedi. Bizdiń elimiz de sergektikke selkeý túsirmeıtini anyq. Qazaqstan Qarýly Kúshteri Bas shtaby bastyǵynyń orynbasary, ge­ne­ral-maıor Muhamed­jan Talasov Mem­­leket Basshy­synyń qa­ty­sýy­men 2015 jylǵy 1 jeltoqsan­da ashylǵan Astanadaǵy Ulttyq ásk­e- rı-patrıottyq ortalyq qyz­met­iniń, jyl saıyn ótkiziletin jas­tardyń respýblıkalyq «Aıbyn» áskerı-patrıottyq jı­yny, «Jas ulan» áskerı án­der festıvali men «Erlik sabaq­tarynyń» tárbıelik mańyzyn atap kórsetti. Bilim berýdiń aımaqtyq uıymdary men jergilikti ákim­dik­ter qoldaýymen áskerı-pat­rıottyq aksııalar, konkýrstar, vıktorınalar, áskerı-dala oıyn­dary, sporttyq sharalar uıym­dastyrylýda. Áıtkenmen, mem­lekettik organdar bul oraı­daǵy turaqty qarjylandyrý, tıisti quqyqtyq jáne materıaldyq bazanyń joqtyǵynan qıyndyq­tar­ǵa tap bolyp jatady. Bastap­qy áskerı daıyndyq júıesin qýattan­­dyrýda da ózekti máseleler bar, deı kele general birqatar usynys­tar, sonyń ishinde DOSAAF uıym­daryn jańǵyrtý qajet­ti­gin ortaǵa saldy. Tıimdiligi kó­ri­nip turǵan pikirler senator, Ha­lyq QaHarmany, armııa gene­ra­ly Muhtar Altynbaev pen Májilis depýtaty, respýblıkalyq ás­­ke­rı-patrıottyq klýbtar federasııasynyń tóraǵasy Baqyt­bek Smaǵul tarapynan qoldaý tapty. Qoǵamdyq tyńdaýdyń er­kin mıkrofony únemi ju­mys istep turdy. Kókshetaý peda­go­gıka­lyq kol­ledjiniń stý­denti Ermek Muqataev, kadet Vıktor Shadeskıı, Jambyl oblysy­n­daǵy áskerı-patrıottyq klýb­tyń jetekshisi Olga Saǵyn­dy­qova, Qazaqstan jastary kon­gre­siniń atqarýshy dırektory Aı­tyn Sábıtov jáne basqalar búgin­gi sharanyń mańyzdylyǵyn atap ótti. – Mundaı sharanyń aýqymy ke­ńip, jylyna eki ret ótkizilip turýy qajet,– dedi qorytyndy só­zin­de Parla­ment Senaty ko­mı­tetiniń tóraı­ymy Darıǵa Nazarbaeva. – Jáne ony elimizdiń ártúrli aımaq­tarynda uıymdastyrǵan tıimdi. Jas­tar­ǵa tájirıbe almasyp, pikir­ler jınaqtaýyna, belsendi jumys atqarýyna múmkindik jasaýymyz kerek. Baqbergen AMALBEK, «Egemen Qazaqstan» Aqmola oblysy, Býrabaı aýdany