P4P reıtınginde Kanelo Golovkınniń aldyna shyqty

Forbes basylymy eń tabysty pound-for-pound (salmaqtan tys) boksshylardyń jańartylǵan reıtıngin jarııalady. Bul týraly Sports.kz habarlady. Qazan aıyndaǵy reıtıngte de ádettegideı, meksıkalyq boksshy Saýl Alvares «Kanelo» kósh bastap tur. Sońǵy Lıam Smıtpen ótken jekpe-jeginde ol AT&T Stadium-ǵa 50 myń kórermen jınady jáne 300 myń PPV jasady, jalpy sany 20 mıllıon dollar tabys tapty. Qazaqstandyq Gennadıı Golovkın ekinshi orynda tur. Túrli basylymdardyń habarlaýynsha, qazan aıynda GGG Kell Brýkpen shaıqasy úshin 3 mıllıonnan 5 mıllıon dollarǵa deıin tabys jınaǵan. Eger Golovkın jeltoqsan aıynda Denıel Djeıkobspen kezdesý ótkizse, bul soma úsh esege kóbeımek. Sondaı-aq, tizimge Andre Ýord, Sergeı Kovalıov, Vladımır Klıchko, Kıt Týrman, Deonteı Ýaılder, Terens Kroýford, Roman Gonsales «Chokolatıto» jáne Errol Spens engen. Qarjylyq reıtıngten bólek, Forbes ádettegi P4P reıtıngin jarııalady. Onda Gennadıı Golovkın Roman Gonsales (1-shi) pen Andre Ýordtan (2-shi) keıin úshinshi orynǵa taban tiredi. Odan keıingi oryndarǵa Sergeı Kovalıov, Terens Kroýford, Saýl Alvares, Vasılıı Lomachenko, Gılermo Rıgondo, Kell Brýk jáne Kıt Týrman jaıǵasqan.