Pavlodarda áskerı-tehnıkalyq mamandar tegin oqytylmaq

Pavlodar oblys ortalyǵyndaǵy áskerı-tehnıkalyq mektepte 2017 jyly 1 aqpannan bastap tuńǵysh ret áskerı mamandyqtar tegin oqytylady, dep habarlaıdy egemen.kz pavlodarnews.kz saıtyna silteme jasap. Áskerı-tehnıkalyq mekteptiń dırektory Omarbek Aıtjanovtyń aıtýynsha, tórt aılyq oqýǵa ásker jasyndaǵy azamattar ǵana qabyldanady. Olarǵa qoıylatyn basty talap - densaýlyǵy myqty, fızıkalyq turǵydan saý bolýy ǵana. «Bolashaqta áskerı qyzmetker atanǵysy kelgen jastarǵa esigimiz ashyq. Jylyna 90 adamdy qabyldap, avtoelektrmehanık, aspaz, tiginshi, júrgizýshi sekildi jumysshy mamandyqtaryn daıyndaımyz. Túlekter emtıhan kezinde berilgen tapsyrmalardy oıdaǵydaı oryndap shyqqan jaǵdaıda ǵana osynda oqyǵanyn kýálándyratyn qujat beriledi. Keıin olar bir jyldyq áskerı mindetin óteýge jiberledi. О́ıtkeni, qorǵanys salasynda jumys isteıtin adamdarǵa bul mindetti. Sodan keıin olar QR Qorǵanys isteri jónindegi mınıstrlikke qarasty kez-kelgen mekemege óz mamandyǵy boıynsha qyzmetke ornalasa alady. Osylaısha, elimizdiń qorǵanys kúshterine qajetti áskerı-tehnıkalyq mamandyqtarǵa degen suranysty oryndaıtyn bolamyz. Oqýǵa nıet bildirip, qujat tapsyrǵan azamattar aldyn ala irikteýden ótedi», - deıdi Omarbek Aıtjanov.