Madrıdtegi Halyqaralyq radıo QR elshisinen suhbat aldy

Madrıdtegi Halyqaralyq radıo Ispanııa Koroldigindegi QR Elshisi Baqyt Dúısenbaevpen suhbat ótkizdi.  «Dıplomatııalyq álem» baǵdarlamasyndaǵy suhbat Qazaqstan Respýblıkasy Táýelsizdiginiń 25 jyldyǵyna arnaldy. QR SIM baspasóz qyzmetiniń habarlaýynsha, suhbat barysynda Qazaqstan Elshisi ıspandyq radıotyńdarmandarǵa táýelsizdik jyldaryndaǵy eldiń ishki jáne syrtqy saıası jetistikteri týraly áńgimeledi. Atap aıtqanda, B.Dúısenbaev elimizdiń básekege qabiletti ekonomıkaǵa ıe bolǵanyn, halyqaralyq kólemdegi túrli sharalardy ótkizgenin jáne Qazaqstannyń beıbitshilikti qamtamasyz etý boıynsha jahandyq prosessterge qatysqanyn baıandady. Sonymen birge, Elshi QR Prezıdenti Nursultan Nazarbaevtyń Qazaqstandaǵy etnıkaaralyq jáne dinaralyq kelisimdi saqtaýǵa baǵyttalǵan syndarly saıasatyn erekshe atap ótti jáne Qazaqstan Respýblıkasynyń 2017-2018 jyldarǵa BUU Qaýipsizdik Keńesiniń turaqty emes músheligine saılanǵanyn aıtty. Suhbat barysynda B.Dúısenbaev Astanadaǵy EKSPO-2017 daıyndyq kezeńiniń aıaqtalǵanyn aıtty jáne koroldik quzyryndaǵy azamattarǵa arnalǵan jeńildetilgen vıza rejımimen ıspandyq týrısterdi kórmege kelýge shaqyrdy.