«Egemen Qazaqstan» Elbasy kitabynyń jańa bólimderin jarııalady

«Egemen Qazaqstan» gazeti Prezıdent Nursultan Nazarbaevtyń jańa jazylyp bolǵan «Uly dala ulaǵattary» atty kitabyn jarııalaýdy jalǵastyryp jatyr. Búgingi nómirde jáne saıtymyza «Táýelsizdiktiń tal besigi» jáne «Saıasat saltanaty» atty bólimderi jaryq kórdi. Birinshi bólimde Elbasy táýelsizdiktiń tal besigi Almaty týraly tolǵanystarymen bólisedi. «Almaty ulttyq sanany qalyptastyrýdyń rýhanı ortalyǵy boldy» deıdi Nursultan Nazarbaev. Ekinshi bólim «Saıasattyń máni nede? Saıasatkerdiń muraty qandaı?» degen suraqtarǵa shırek ǵasyrlyq jańa tarıh kezeńindegi basty oqıǵalar, alǵa qoıylǵan jáne oryndalǵan mindetter negizinde jaýap beredi. «Uly dala ulaǵattary» kitabyna Elbasy Nursultan Nazarbaev qajyrly eńbekke toly ǵumyrynda saıasatker jáne adam retinde túıgen oılary, el men jer, adamı jáne ulttyq qundylyqtar týraly fılosofııalyq tolǵanystary jınaqtalǵan.