Tanymal búrkitshi qyz Aısholpan Nurǵaıypqyzy týraly AQSh-ta "Búrkitshi" (Eagle Huntress) derekti fılmi túsirildi. Bul týraly The New York Times basylymy jazdy.
13 jasar Aısholpan álemdegi eń jas búrkitshi qyz sanalady. Fılmde búrkitshilik ónerdi jyldam meńgergen Aısholpan Nurǵaıypqyzy týraly, qazaq ultynyń dástúrleri týraly kórinister kórsetilgen. Fılm rejısseri - Otto Bell.
Búrkitpen ań aýlaý - er adamnyń isi dep qabyldanǵandyqtan, fılmdi túsirýshiler aýyl aqsaqaldaryna baryp, áıel adam nege aınalysa almaıtynyn anyqtaýǵa tyrysypty. Sonymen qatar Otto Bell ańdy ustaǵandaǵy keı kórinisterdi kórermen dástúrdi bilmeı, durys túsinbeı qalýy múmkin degen oımen qysqartqanyn aıtqan.
