Elbasy Asqar Jumaǵalıevty qabyldady

Elbasy «Qazatomónerkásip» UAK» AQ basqarmasynyń tóraǵasy Asqar Jumaǵalıevti qabyldady, dep habarlaıdy Aqordanyń baspasóz qyzmeti. Kezdesýde A.Jumaǵalıev Memleket basshysyna ulttyq atom kompanııasynyń 2016 jylǵy 9 aıda atqarǵan jumysy týraly baıandady. Qazaqstan Prezıdenti bul sala óniminiń álemdik naryqtaǵy úlesi joǵary ekenin atap ótti. "Bizdiń mindetimiz - tolyq ıadrolyq otyn sıkliniń barlyq úderisine qatysýǵa múmkindik alý. Bul salada basqa eldermen ózara yntymaqtastyqtyń deńgeıin arttyrý kerek", - dedi Nursultan Nazarbaev. Sondaı-aq Memleket basshysy profıldi emes aktıvterden arylý jáne transformasııalaý baǵdarlamasyn iske asyrý máselelerine nazar aýdardy. Ulttyq atom kompanııasy basqarmasynyń tóraǵasy Elbasyǵa Úlbi metallýrgııa zaýytynyń aýmaǵynda zaýyt salý jobasynyń tehnıkalyq-ekonomıkalyq negizdemesiniń aıaqtalǵany jáne qajetti jabdyq óndirýdiń bastalǵany týraly baıandady. Buǵan qosa, A.Jumaǵalıev sheteldik seriktestermen arada bıyl jasalǵan kelisimder jáne bekitilgen kelisimsharttar týraly, sondaı-aq  kompanııa quramynan profıldi emes 26 aktıvtiń shyǵarylatyny týraly habardar etti. Kezdesý qorytyndysy boıynsha Memleket basshysy birqatar naqty tapsyrma berdi.