Sháken Aımanov atyndaǵy "Qazaqfılm" kınostýdııasy úndilik kınokompanııamen seriktestik týraly kelisimge qol qoıdy, dep habarlaıdy kınostýdııanyń baspasóz qyzmeti.
Rejısser Sachındra Sharmanyń "Love you family" fılminiń túsirilimi Indııa men Taılandta ótken. Endi qorytyndy bólimi Almatyda túsiriledi.
Fılmde tanymal úndi akterleri Djoshı Manoı Navanet, Pardasanı Aksha Sýnıl, Salman Iýsýf Khan, Shaktı Kapýr, Navnı Parıhar. Mano Djoshı oınaıdy. Al basty róldegi qyzdyń bastyǵynyń rólin Farhat Abdraımov somdaıdy.
"Men bul kartınada 4 kún túsirilimde bolamyn. Kúlkili ról somdaımyn. Men Anglııa, Reseı, О́zbekstan, Qyrǵyztan elderinde kınoǵa tústim. Barlyǵy birdeı túsiretinin baıqadym", - dedi Farhat Abdraımov.
"Love you family" – týǵan-týystary súıiktisimen birge bolýǵa qarsy bolatyn Hýshı esimdi úndilik qyz týraly.
