Shyǵys Qazaqstanda birneshe mekteptiń ataýy ózgerdi

Shyǵys óńirinde ultymyzdyń uly tulǵalary ulyqtalýda. Iаǵnı, Úkimet Qaýlysymen birqatar mádenıet jáne bilim berý mekemelerine ult qaıratkerleriniń esimderi berildi. Atap aıtqanda, Rıdder qalasyndaǵy №3 orta mektepke – Dinmuhamed Qonaev, О́skemen qalasyndaǵy ortalyqtandyrylǵan kitaphanalar júıesine – Oralhan Bókeı, №33 orta mektepke – Abaı Qunanbaıuly, №1 orta mektepke – Shákárim Qudaıberdiuly, kópbeıindi №3 mektep-gımnazııasyna – Shoqan Ýálıhanov, №16 orta mektepke – Zákı Ahmetov, Ulan aýdanyndaǵy Blagodarnoe orta mektebine – Ahmet Baıtursynuly, Úrjar aýdanyndaǵy Krýpskaıa atyndaǵy orta mektep-balabaqshasyna Abylaıhan esimderi berildi. Jańa ataýlarǵa aýystyrý úrdisi Semeı qalasy men Kúrshim, Jarma, Katonqaraǵaı, Zyrıan aýdandarynda jalǵasyp, ult qaıratkerlerimen birge óńir tarıhynda orny bar tulǵalardyń esimderi de qurmetteldi. Bul aýdandar arasynda osy kúnge deıin Lenın men Kırov ataýymen atalyp kelgen mektepter de bar edi. – Elimizdiń damý tarıhynda aıryqsha orny bar memleket jáne qoǵam, mádenıet jáne óner qaıratkerleri esimderiniń óńirimizdegi mektepter men basqa da mekemelerge berilýi qýantady. Munyń jas býyndy elshil, memleketshil rýhta tárbıeleýdegi máni óte zor. Sondaı-aq bul Táýelsizdigimizdiń 25 jyldyq mereıtoıy aıasynda turǵyndarymyzǵa erekshe tartý boldy, deıdi Shyǵys Qazaqstan oblysy ákiminiń orynbasary Jaqsylyq Omar. Dýman Anash, «Egemen Qazaqstan»