Serpilis týdyrǵan halyqaralyq jıyn

«Bulaq kórseń kózin ash» degen qazaqy danalyqty berik ustanǵan jetisýlyq ǵalymdar Taldyqorǵanda halyqaralyq ǵylymı-tájirıbelik konferensııa ótkizdi. Memlekettik saıasatqa saı órkenıetke umtylý barysynda bul joly Túrkııa, Reseı, Ýkraına, Bolgarııa memleketterinen kelgen oqymystylarmen tájirıbe almasty. Sóıtip, «Zamanaýı syn-tegeýrinder men qoǵamnyń jahandaný jaǵdaıynda Qazaqstandaǵy bilim men ǵylymnyń ınnovasııalyq áleýeti» taqyrybynda halyqaralyq ǵylymı-tájirıbelik konferensııa óz jumysyn bastady. Plenarlyq májilisti I.Jansú­girov atyndaǵy Jetisý mem­­lekettik ýnıversıtetiniń rektory, geografııa ǵylymdarynyń doktory, professor Qýat Baımyrzaev ashyp, júrgizip otyrdy. Ol halyqaralyq konferensııanyń maqsaty men mindetine toqtalyp, mańyzdylyǵyn atap ótti. Konferensııa jumysyna she­tel­dik ǵalymdar jáne eli­miz­­ge tanymal ǵylym doktor­la­ry men professorlar, ýnı­ver­­sıtettiń oqytýshy-profes­sor­­­lary men stýdentteri, bar­ly­ǵy 250 adam qatysty. Konfe­ren­­sııa maqsaty – ǵylym men ınno­va­sııanyń birqatar teo­rııa­lyq já­ne praktıkalyq qıyn­dyq­ta­ryn jáne bilim berý, ekono­mı­ka, aqparattyq tehnolo­gııa, qoǵamdyq, áleýmettik, tehnıka­lyq ǵylymdar damýynyń ózekti másele­lerin talqylaý boldy. Álbet­­te, Qazaqstandaǵy bilim men ǵylymnyń ınnovasııalyq áleýe­tin arttyrýǵa ózindik úles qosý ekeni taǵy anyq. Plenarlyq májiliste Reseı­diń K.D.Ýshınskıı atyndaǵy Iаros­­lavl memlekettik pedago­gıkalyq ýnıversıtetiniń dosenti, psıho­­logııa ǵylymdarynyń kandı­daty Olga Belıaeva: «Mek­­­tep bitirýshilerdiń kási­bı ma­man­dyqty anyqtaý keze­ńin­­de oqý-tárbıe prosesi sýbek­ti­­le­ri­­niń ózara áreketi», Túr­kııa Res­pýblıkasy Gazı ýnı­ver­sı­teti pedagogıkalyq bilim­der fakýltetiniń PhD dokto­ry Meh­met Akıf Sózer: «Oqytý­dyń jańa tásilderi», ál-Fara­bı atyn­daǵy Qazaq Ulttyq ýnıver­sı­te­tiniń professory, pe­da­­go­gıka ǵylymdarynyń dok­to­ry Oraz Satybaldıev: «Teh­nı­­ka­lyq joǵary oqý orny stý­den­t­terine matematıkalyq pán­derdi oqytýdyń jańa modeli» taqyryptaryndaǵy baıandamala­ryn oqydy. Túrkııa, Reseı jáne Qazaqstannyń jetekshi jo­ǵa­ry oqý oryndarynan kelgen ǵalymdardyń baıandamalary ózektiligimen erekshelenip, kon­­- f­e­­rensııaǵa qatysýshylar tara­py­nan qyzyǵýshylyq týdyrdy. Baıan­damashylarǵa bilim berý, eko­nomıka, aqparattyq tehnologııa, qoǵamdyq, áleýmettik jáne teh­nıkalyq, jaratylystaný ǵylymdarynyń damýy jaıly kóptegen suraqtar qoıylyp, pikirler aıtyldy. Konferensııa jumysyna 230 adam ǵylymı maqalalaryn usy­n­dy. Onyń ishinde Bolgarııa, Túr­kııa, Reseı, Ýkraına elderi jo­ǵary oqý oryndarynan 36 ma­qala, elimizdegi joǵary oqý oryndary­nan 18 maqala, mektepter men kol­ledjderden 35 maqala, al I.Jansúgirov atyndaǵy Jetisý mem­lekettik ýnıversıtetiniń oqy­týshy-professorlar quramy, stýdentter, magıstranttar men doktoranttary 140 maqala usyndy. Konferensııa eki kúnge sozyldy. Plenarlyq májilisten keıin: «Bilim berý men qoldan­baly zertteýlerdegi jańa aqpa­­ra­t­tyq-matematıkalyq jáne ja­­ra­ty­lystaný-ǵylymı tehno­lo­gııa­lar», «Qazaqstandyq já­ne álemdik ekonomıkanyń ózek­ti máseleleri», «Jahandaný jaǵ­­daıyndaǵy gýmanıtarlyq bi­lim­­derdiń ózekti máseleleri», «Joǵary oqý ornynan keıingi bi­lim berýde mamandardy qaıta daıar­laý jáne biliktiligin arttyrý», «Irgeli jáne qoldanbaly ǵy­lymı zertteýlerdiń ınnova­sııasy men damýy» boıynsha 5 sek­sııa jumys istedi. Kon­fe­rensııanyń ekinshi kúninde is-sha­ra qorytyndylanyp zama­naýı syn-tegeýrinder men qo­ǵam­­­­­nyń jahandaný jaǵdaıyn­da Qa­zaq­standaǵy bilim men ǵy­lymnyń ın­novasııalyq áleýetin art­tyrý boıyn­sha naqty usyny­mdar jasalady. Qory­ta aıtqanda, osy­ǵan deıin buıyǵylyq tanyt­qan ýnıversıtet ǵalymdary men stý­dentteri bul kúni tyń qadamdar jasaý­ǵa umtylǵany qýantty. Shetel­dik ǵalymdarmen ózara pikir almasyp, oı bólisken jas ǵalymdar qadamy tyń serpilis týdyrdy. Nurbol ÁLDIBAEV, «Egemen Qazaqstan» TALDYQORǴAN