Memleket basshysynyń atyna Qazaqstan Respýblıkasy Táýelsizdiginiń 25 jyldyǵyna arnalǵan «Nursultan Nazarbaevtyń modeli: beıbitshilik pen kelisimniń 25 jyly» ǵalymdar men sarapshylardyń halyqaralyq forýmyna qatysýshylardan
ÚNDEÝ-QUTTYQTAÝ
Asa qurmetti Nursultan Ábishuly! Sizdiń saıası erik-jigerińizdiń arqasynda Beıbitshilik, Birlik jáne Turaqtylyq Qazaqstannyń ornyqty damýynyń sheshýshi qaǵıdattaryna aınaldy. Búginde, Qazaqstan Respýblıkasy Táýelsizdiginiń 25 jyldyǵyn merekeleý qarsańynda biz el tabystarynyń negizinde shyn máninde Sizdiń esimińizben baılanystyrylatyn qoǵamdyq kelisim men jalpyulttyq birliktiń qazaqstandyq modeli jatqanyna nyq senimdimiz. Sizdiń bastamańyzben qurylǵan Qazaqstan halqy Assambleıasy ınstıtýty etnostyq, mádenı, dinı kópqyrlylyqtyń turaqtylyq pen jasampazdyq resýrsyna transformasııalanýyna oń yqpal etip otyr. Qazirgi kezeńde N.Nazarbaev modeli damýynyń jańa deńgeıi keń aýqymdy jańǵyrtý jobasy – Ult jospary «100 naqty qadam: barshaǵa arnalǵan qazirgi zamanǵy memleket» jobasynda iske asyrylýda. Siz qurǵan «Máńgilik El» jalpyhalyqtyq tuǵyrnamasy, onyń etnostardy toptastyrýdaǵy róli búginde túrli elderdegi qoǵamtanýshy-ǵalymdardyń túbegeıli zertteý taqyrybyna aınalyp otyr. N.Nazarbaev modeline negizdelgen Qazaqstannyń jahandyq bastamalary álemdik turaqtylyq pen qaýipsizdikke qosylǵan sheshýshi úles bolyp tabylady. Álemde tuńǵysh bolyp Semeı ıadrolyq synaq polıgonyn japqan jáne atom qarýynan bas tartqan Siz, Nursultan Ábishuly, halyqaralyq saıasatqa jańa moraldyq standart engizdińiz. Siz Vashıngtonda ótken Iаdrolyq qaýipsizdik jónindegi IV sammıtte jarııalaǵan «Álem. HHI ǵasyr» manıfesi – BUU-nyń resmı mártebesin alǵan qýatty jasampazdyq kúshi bar qujat bolyp tabylady. Siz taǵaıyndaǵan «Jahandyq beıbitshilik pen qaýipsizdik úshin» halyqaralyq syılyǵy elimizdiń beıbitsúıgish syrtqy saıasatynyń jarqyn aıǵaǵy boldy. Qazaqstan Respýblıkasynyń joǵary halyqaralyq bedeliniń, onyń halyqaralyq qaýipsizdik pen memleketaralyq qarym-qatynastarda senim sharalaryn nyǵaıtýǵa qosqan úlesiniń tanylýy – Qazaqstannyń 2017-2018 jyldarǵa BUU Qaýipsizdik Keńesiniń turaqty emes músheligine saılanýy. Biz, «NURSULTAN NAZARBAEVTYŃ MODELI: BEIBITShILIK PEN KELISIMNIŃ 25 JYLY» ǵalymdar men sarapshylardyń halyqaralyq forýmyna qatysýshylar, Sizdiń Qazaqstannyń dáıektilikpen damýyn qamtamasyz etýge, Ortalyq Azııa óńiri men búkil álemde senim sharalary men ózara túsinistikti nyǵaıtýǵa baǵyttalǵan dana da kóregen saıasatyńyzǵa biraýyzdan qoldaý bildiremiz. Asa qurmetti Nursultan Ábishuly, biz Sizdi jáne búkil Qazaqstan halqyn tarıhı oqıǵa – Qazaqstan Respýblıkasy Táýelsizdiginiń 25 jyldyǵymen quttyqtaımyz jáne beıbitshilik, ıgilik pen ósip-órkendeý tileımiz. «NURSULTAN NAZARBAEVTYŃ MODELI: BEIBITShILIK PEN KELISIMNIŃ 25 JYLY» ǵalymdar men sarapshylardyń halyqaralyq forýmynda qabyldandy Astana, 2016 jylǵy 28 qazan
