«APCO Worldwide» – amerıkalyq pavılondy uıymdastyrýshy kompanııa

Qazaqstan Respýblıkasynyń Vashıngtondaǵy elshiliginde AQSh Memlekettik departamentiniń Astanadaǵy EKSPO-2017 kórmesinde amerıkalyq pavılondy uıymdastyrýshy kompanııany tańdaý jónindegi tenderdiń qorytyndylary  jarııalandy. Memlekettik departament  «APCO Worldwide» konsaltıngtik kompanııasyn osy mindetti atqarýǵa laıyq dep tapty. Is-shara barysynda AQSh-tyń Energetıka mınıstri Ernest Monız, AQSh Memlekettik hatshysynyń Ońtústik jáne Ortalyq Azııa máseleleri jónindegi kómekshisi Nısha Bıs­val, Amerıka-Qazaqstan iskerler assosıasııasynyń atqarýshy dırektory Sara Frız sóz sóılese, Amerıkanyń isker jáne resmı toptarynyń, qoǵamdyq uıymdarynyń ókilderi de ózderiniń oılaryn ortaǵa saldy. Memlekettik hatshynyń kómekshisi N.Bısval Qazaqstan men AQSh qatynastarynyń odan ári damýynda EKSPO aıtarlyqtaı ról atqaratynyn jáne onyń amerıkalyq kompa­nııa­larǵa bolashaq energııasyn paı­dalanýdaǵy tehnologııalyq jańa­lyqtaryn kórsetýge múmkin­dik beretinin atap ótti. Sóıtip, AQSh óziniń pavılonyn uıym­dastyrýshy kompanııany anyq­tap, Astanadaǵy EKSPO kór­mesine qatysýǵa belsendi at­salysa bastady. Amerıkalyq dıp­lomattyń sózine qaraǵanda, bul Qazaqstanmen yntymaq­tasýǵa múddeli jekemenshik kompa­nııalardyń qarjylaı kómeginiń arqasynda múmkin bolǵan. Energetıka mınıstri E.Mo­nız energetıka, ıadrolyq qaýip­sizdik jáne taratpaý sala­laryndaǵy ekijaqty strate­gııalyq áriptestikti joǵary baǵalap, Qazaqstan osy salalarda AQSh-tyń mańyzdy áriptesi bolyp tabylatynyn atap ótti. Ol óziniń sáýir aıyndaǵy Astanaǵa saparyn jylylyqpen eske alyp, Qazaqstanǵa qonaqjaılylyq tanytqany úshin alǵysyn bildirdi. Sondaı-aq, ol Qazaqstanda ótetin kórmeniń ınnovasııalyq baǵyty men EKSPO-2017 kórmesiniń «Bolashaqtyń energııasy» taqyrybynyń ózektiligin qanaǵatpen atap ótti. Energetıka mınıstri AQSh-tyń ulttyq pavılonynda Amerıkanyń ǵylymı-tehnıkalyq jetistikteri kórinis tabatynyna da nazar aýdardy. «APCO Worldwide» kompanııa­sy jeńimpaz dep tanylǵannan keıin onyń basshysy Mardjerı Kraýs: «Ulttyq pavılondy uıymdastyrý qurmetti mıssııasyn atqarýǵa taǵaıyndalýymyz biz úshin úlken abyroı», dedi. Ol, sonymen qatar, pavılonnyń tujyrymdamasyn jasaýǵa, tájirıbeli áriptesteri tartylatynyn da atap kórsetti. Sonymen, pavılon jasaqtaý isine qulshyna kirisetin personaldyń da daıyn turǵany belgili boldy. Al – «The source of infinite energy» («Qýattyń taýsylmas qaınar kózi») dep atalmaq. Jaqyn arada Memlekettik hat­shynyń saıası máseleler jónin­degi orynbasary Tomas She­non bastaǵan delegasııa Asta­nada saparmen bolyp, Amerı­kaǵa arnalǵan pavılondy qa­rap shyqty. Dıplomat ǵıma­rat­qa rızashylyǵyn bildirip, amerı­kalyq taraptyń kórmege daıyn­dyqty bastaý úshin bıýro­kratııalyq rásimderdi tezdete­tinin jarııa etti, dep habarlady «Astana EKSPO-2017» kompa­nııa­synyń baspasóz qyzmeti.