Jambyl oblysynyń ákimi Ishki ister departamentine 83 qyzmettik avtokóliktiń kiltin tabys etti, dep habarlady Jambyl oblysy ákiminiń baspasóz qyzmeti.
Jambyl oblysynyń ákimi Kárim Nasbekuly Kókrekbaev sóz sóılep, sý jańa arnaıy qyzmettik 83 avtokóliktiń kiltin tapsyrdy. Oblys ákiminiń qolynan kilt alǵan polısııa qyzmetkeri óz kezeginde Qazaqstan Respýblıkasyna qyzmet etýge ant berdi.
-Qurylǵanyna 10 aıdan astam ýaqyt ishinde Jergilikti polısııa qyzmeti óziniń mindetterin tıisti deńgeıde atqaryp, oblystyń krımınogendik jaǵdaıyn jaqsartýǵa óz úlesterin qosýda. Aǵymdaǵy jyldyń on aıynda oblysta tirkelgen qylmystyq quqyq buzýshylyqtardyń sany 11 paıyzǵa tómendedi. Búgin tapsyrǵaly otyrǵan avtokólikter de qylmyspen kúresý sharalaryn jetildirýge óz úlesin qosatynyna senimdimin, - dedi aımaq basshysy.
Kelesi kezekte sóz sóılegen Ishki ister departamentiniń bastyǵy polısııa general-maıory Tlegen Sovetuly Matkenov: «Búgin jambyldyq polıseıler úshin ǵana emes, barlyq oblys turǵyndary úshin qýanyshty jaıt oryn aldy. Sebebi, materıaldyq-tehnıkalyq bazanyń jaqsarýy aımaq turǵyndarynyń múddesi úshin qylmyspen kúresýde qoǵamǵa tıimdirek qyzmet etýge septigin tıgizedi. Jambyldyq polıseılerdiń sapaly qyzmet atqarýy isinde oblystyq ákimdik baǵa jetpes kómek kórsetti ári kórsetip keledi. Búgingi zamanaýı avtokólikterdiń tabys etilýi – osynyń aıqyn bir dáleli. Ishki ister organdarynyń qyzmetkerlerine qoldaý jasaý máselelerine kóńil bólgenińiz úshin, Kárim Nasbekuly, Sizge shynaıy alǵysymdy bildirgim keledi – deı kele, oblys polıseıleriniń qoǵamdyq tártip pen azamattardyń qaýipsizdigin qamtamasyz etýde barlyq kúsh-jigerin salyp eńbek etetinin jetkizdi.
