«Astana» oıynshysy «Valensııaǵa» ketedi

«Astananyń» jartylaı qorǵaýshysy Nemanıa Maksımovıch Ispanııanyń «Valensııa» klýbymen 2022 jyldyń maýsym aıyna deıin aldyn ala kelisimshartqa otyrdy. Bul týraly sports.kz habarlady. «Valensııa» – Eýropanyń alpaýyt komandalarynyń biri. Kelissózder uzaqqa sozyla qoıǵan joq. Maǵan kóptegen klýbtardan usynys túskeni ras. Biraq munda bári ózgeshe. Ujymnyń alǵa qoıǵan maqsaty zor. «Astana» buǵan esh qarsylyq bildirmeıdi dep úmittenemin. Bul is aldaǵy 5-6 kúnde aıaqtalady degen oıdamyn», – dedi Maksımovıch. Onyń kelisimshart merzimi 2017 jyldyń maýsym aıynda aıaqtalady. Eger «Astana» óz oıynshysyn jiberýge qarsy bolsa, serbııalyq jazda aýysady. Buǵan deıin Nemanıa Maksımovıchke Portýgalııanyń «Benfıka», «Sportıng» Italııanyń «Iýventýs», sondaı-aq, «Monako» komandalarynan usynys túsken. B92 basylymynyń málimeti boıynsha 21 jastaǵy havbek 5 jylda 7 mıllıon eýrony aqsha alady. Aıta keteıik, ol 2015 jyly Serbııanyń jastar quramasymen (U-21) álem chempıony atansa, ótken jyly negizgi quramaǵa alǵash ret shaqyrtý alyp, úsh joldastyq kezdesýge qatysqan. Elordalyqtardyń sapynda 2015 jyldyń aqpan aıynan beri óner kórsetip keledi. Osy ýaqyt aralyǵynda eki dúrkin el chempıony atanyp, bir márte Qazaqstan Kýbogynda jeńiske jetken. Premer-lıgada 54 oıynǵa qatysyp, 9 goldyń, 6 nátıjeli pastyń avtoryn atanǵan. Sonymen qatar, óz klýbyn Chempıondar lıgasy men Eýropa lıgasynyń toptyq kezeńine joldama alýǵa septigin tıgizgen. «Valensııa» – Eýropa reıtınginde alǵashqy ondyqqa jıi kiredi. О́z tarıhynda 6 ret Ispanııa chempıony ataǵyna qol jetkizgen. Al bıyl La lıgada 12 upaımen 20 komandanyń ishinde 17-orynda keledi.